ବ୍ରହ୍ମପୁର:ଅଫିସ,୧୯।୨ : ଗଞ୍ଜାମ ଜିଲା ବୁଗୁଡ଼ା ବ୍ଲକ ଉଦ୍ୟାନ ବିଭାଗ ଯନ୍ତ୍ରୀ ଉମାଚରଣ ବେହେରା ଶୁକ୍ରବାର ଭିଜିଲାନ୍ସ ହାତରେ ଧରା ପଡ଼ିଛନ୍ତି। ସେ ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଛନ୍ତି । କରଚୁଲି ଗ୍ରାମର ଚାଷୀ ପୂର୍ଣ୍ଣଚନ୍ଦ୍ର ପାତ୍ରଙ୍କ ଠାରୁ ୨୬ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ଡିଏସ୍ପି ଅରୁଣ ନାୟକ ଓ ତାଙ୍କ ଟିମ୍ ତାଙ୍କୁ ଗିରଫ କରିଛନ୍ତି। ତାଙ୍କଠାରୁ ସମସ୍ତ ଲାଞ୍ଚ ଟଙ୍କା ଜବତ ହୋଇଛି ।
ସୂଚନାଯୋଗ୍ୟ, କରଚୁଲିର ୧୩ ଜଣ ଚାଷୀ ଉଦ୍ୟାନ ବିଭାଗ ପକ୍ଷରୁ ଋଣ ନେଇ ଚାଷ କରିଥିବା ବେଳେ ତାହାର ସବସିଡ୍ ରାଶି ପାଇଁ ଯନ୍ତ୍ରୀ ଉମାଚରଣ ଜଣଙ୍କ ପିଛା ୨ହଜାର ଟଙ୍କା ହିସାବରେ ୨୬ ହଜାର ଲାଞ୍ଚ ମାଗିଥିଲେ । ଏ ନେଇ ପୂର୍ଣଚନ୍ଦ୍ର ଭିଜିଲାନ୍ସରେ ଅଭିଯୋଗ କରିଥିଲେ ।
