ଦିଗପହଣ୍ଡି,୫।୧୦(ଡି.ଏନ୍.ଏ.): ଗଞ୍ଜାମ ଜିଲା ପ୍ରଶାସନ ପକ୍ଷରୁ ଜାରି କରାଯାଇଥିବା କୋଭିଡ୍ କଟକଣାକୁ ବ୍ୟବସାୟୀମାନେ ବେଖାତିର କରୁଥିବା ଦେଖିବାକୁ ମିଳୁଛି। ଏ ନେଇ ସୋମବାର ଅତିରିକ୍ତ ଜିଲାପାଳ ଡ. ଶତେ କୁମାର ଦାସ, ସହକାରୀ ଜିଲାପାଳ କେ. ମାଲେଶ୍ୱର ପାତ୍ର ଦିଗପହଣ୍ଡିରେ ପହଞ୍ଚି ଚଢ଼ାଉ ଓ ଧରପଗଡ଼ କରିଥିଲେ। କୋଭିଡ ନିୟମକୁ ଉଲ୍ଲଙ୍ଘନ କରି ଦୋକାନ ଭିତରେ ଗହଳି କରି ବ୍ୟବସାୟ ଚଳାଇଥିବା ବିଭିନ୍ନ ବ୍ୟବସାୟିକ ପ୍ରତିଷ୍ଠାନଗୁଡ଼ିକ ଉପରେ ପ୍ରଶାସନିକ ଅଧିକାରୀ ବୃନ୍ଦ ଆତର୍କିତ ଚଢାଉ କରି ସେଗୁଡିକୁ ସିଲ୍ କରିଛନ୍ତି। ବ୍ୟବସାୟୀଙ୍କ ସମେତ ସାଧାରଣ ଲୋକେ ଏଥିପ୍ରତି ଗୁରୁତ୍ୱ ଦେଉ ନ ଥିବା କାରଣରୁ ସ୍ଥାନୀୟ ପ୍ରଶାସନ ପକ୍ଷରୁ ବିଭିନ୍ନ ଦୋକାନ ସମେତ ରାସ୍ତାରେ ଯା ଆସ କରୁଥିବା ବହୁସଂଖ୍ୟକ ବାଇକ୍ଗୁଡ଼ିକୁ ଅଟକାଇ ୨୩୧୦୦ ଟଙ୍କା ଜରିମାନା ଆଦାୟ କରିଥିବା ଜଣାପଡିଛି। ଏହି ଚଢାଉରେ ଦିଗପହଣ୍ଡି ତହସିଲଦାର ତଥା ଏକଜିକ୍ୟୁଟିଭ ମାଜିଷ୍ଟ୍ରେଟ ଅଦୈତ କୁମାର ସ୍ବାଇଁ, ଏନଏସି କାର୍ଯ୍ୟନିର୍ବାହୀ ଅଧିକାରୀ ପ୍ରଫୁଲ୍ଲ ଚନ୍ଦ୍ର ଡାକୁଆ ପ୍ରମୁଖ ସାମିଲ ହୋଇଥିଲେ।