ଅନ୍ତର୍ଜାତୀୟ ଭାରତୀୟ ଫିଲ୍ମ ଏକାଡେମୀ (ଆଇଆଇଏଫ୍ଏ) ପୁରସ୍କାର ୨୦୨୨ ଶେଷ ହୋଇଛି। ଆବୁଧାବିର ୟସ୍ ଆଇଲାଣ୍ଡରେ ଚାଲୁଥିବା ଏହି ପୁରସ୍କାର ଜୁନ ୨ରୁ ଆରମ୍ଭ ହୋଇ ଜୁନ ୪ ପର୍ଯ୍ୟନ୍ତ ଚାଲିଥିଲା। ୨୨ତମ ଆଇଫା ପୁରସ୍କାର ୨୦୨୨ର ବିଜେତା ମଧ୍ୟ ଘୋଷଣା କରାଯାଇଛି।
ଅଭିନେତା ବିକି କୌଶଲ ଆଇଫା ୨୦୨୨ର ଶ୍ରେଷ୍ଠ ଅଭିନେତା ହେବାର ସୌଭାଗ୍ୟ ଅର୍ଜନ କରିଛନ୍ତି। ‘ସର୍ଦ୍ଦାର ଉଧମ’ ଫିଲ୍ମ ପାଇଁ ବିକି ଶ୍ରେଷ୍ଠ ଅଭିନେତା ପୁରସ୍କାର ପାଇଛନ୍ତି। ଏହାପୂର୍ବରୁ ୨୦୨୨ରେ ସେ ଫିଲ୍ମ ସଞ୍ଜୁରେ ଶ୍ରେଷ୍ଠ ସହାୟକ ଅଭିନେତା ବର୍ଗରେ ଆଇଫା ପୁରସ୍କାର ମଧ୍ୟ ପାଇଥିଲେ। ଅଭିନେତ୍ରୀ କ୍ରିତି ସାନନ ଅଇଫା ୨୦୨୨ ଶ୍ରେଷ୍ଠ ଅଭିନେତ୍ରୀ ଆଖ୍ୟା ଅର୍ଜନ କରିଛନ୍ତି। ଫିଲ୍ମ ‘ମିମି’ ପାଇଁ କ୍ରିତିଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।
ଆଇଫା ୨୦୨୨ରେ ‘ଶେର୍ସାହ’ ଶ୍ରେଷ୍ଠ ଫିଲ୍ମ ପୁରସ୍କାର ପାଇଛି। ଏହି ଫିଲ୍ମରେ ସିଦ୍ଧାର୍ଥ ମାଲହୋତ୍ରା ମୁଖ୍ୟ ଚରିତ୍ରରେ ଅଭିନୟ କରିଥିଲେ। ଆଇଫା ଶ୍ରେଷ୍ଠ ସହାୟକ ଅଭିନେତା ଟାଇଟଲ ପଙ୍କଜ ତ୍ରିପାଠୀଙ୍କୁ ମିଳିଛି।