ମୁମ୍ବାଇ: ବଲିଉଡ ଅଭିନେତ୍ରୀ ଇଲିଆନା ଡିକ୍ରୁଜ ଏବେ ତାଙ୍କ ମଦରହୁଡ ଏନଜୟ କରୁଛନ୍ତି। ଏବେ ସେ ତାଙ୍କ ପୁଅ ଉପରେ ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି। ଏହାସହ ସେ ମାଆ ହେବାର ଅନୁଭବକୁ ଲଗାତାର ଭାବେ ତାଙ୍କ ଫ୍ୟାନଙ୍କ ସହ ଶେୟାର କରୁଛନ୍ତି। ସୋସିଆଲ ମିଡିଆରେ ବି ସେ ଲଗାତାର ତାଙ୍କ ପୁଅ କୋଆ ଫିନିକ୍ସ ଡୋଲନଙ୍କ ଫଟୋ ଶେୟାର କରୁଛନ୍ତି। ଏବେ ଇଲିଆନାଙ୍କ ପୁଅ କୋଆଙ୍କ ବୟସ ମାତ୍ର ୨ ମାସ।
ତେବେ ମାଆ ହେବା ପରେ ସେ ପ୍ରଥମଥର ଲାଗି ଆଉଟିଂରେ ବାହାରିଛନ୍ତି। ଏହି ସୂଚନା ନିଜେ ଅଭିନେତ୍ରୀ ଦେଇଛନ୍ତି। ସେ ତାଙ୍କ ଇନଷ୍ଟା ଷ୍ଟୋରୀରେ ଏକ କ୍ୟୁଟ ଫଟୋ ଶେୟାର କରିଛନ୍ତି।
ଏହି ଫଟୋରେ, ଇଲିଆନା ତାଙ୍କ ପୁଅକୁ ଷ୍ଟ୍ରୋଲରରେ ରଖିଛନ୍ତି ଏବଂ ସେ ନଇଁପଡି ତାଙ୍କୁ ଦେଖୁଛନ୍ତି। ଏହି ଫଟୋ ଶେୟାର କରିବାବେଳେ ଅଭିନେତ୍ରୀ କ୍ୟାପସନରେ ଲେଖିଥିଲେ, ଶିଶୁ ଏବଂ ମା ପ୍ରଥମ ଥର ମଧ୍ୟାହ୍ନ ଭୋଜନ ପାଇଁ ବାହାରିଛନ୍ତି ..’ ଏହି ସମୟରେ ଇଲିଆନା ବହୁତ ଫିଟ ଦେଖାଯାଉଛନ୍ତି। ସେ ଏକ ଧଳା ରଙ୍ଗର ପୋଷାକ ଉପରେ ଏକ ଡେନିମ ସାର୍ଟ ଏବଂ କ୍ୟାପ ପିନ୍ଧିଛନ୍ତି ।
ସୂଚନାଯୋଗ୍ୟ, ଇଲିଆନା ଏପର୍ଯ୍ୟନ୍ତ ତାଙ୍କ ସାଥୀଙ୍କ ଚେହେରା ପ୍ରକାଶ କରିନାହାଁନ୍ତି । କିନ୍ତୁ ଖବର ଅଛି ଯେ ଅଭିନେତ୍ରୀ ଚଳିତ ବର୍ଷ ମେ ୧୩ ରେ ଗୁପ୍ତ ଭାବରେ ବିବାହ କରିଥିଲେ। କୁହାଯାଇଛି ଯେ ଇଲିଆନା ଏକ କୋର୍ଟ ବିବାହ କରିଛନ୍ତି। ତେବେ ଏପର୍ଯ୍ୟନ୍ତ ବିବାହ ସମ୍ପର୍କରେ ଅଭିନେତ୍ରୀଙ୍କ ପକ୍ଷରୁ କୌଣସି ବୟାନ ଆସିନାହିଁ। ଚଳିତ ବର୍ଷ ଅଗଷ୍ଟ ୧ରେ ଇଲିଆନା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ସେବେଠାରୁ ସେ ସୋସିଆଲ ମିଡିଆରେ ପୁଅର ଫଟୋ ଶେୟାର କରି ଚାଲିଥିଲେ।