୨୦୨୦ ଦୁର୍ଘଟଣାର ବର୍ଷ। କରୋନା ଭଳି ଅନେକ ପ୍ରାକୃତି ବିପର୍ଯ୍ୟୟ ଯୋଗୁ ଅସ୍ତବ୍ୟସ୍ତ ହୋଇପଡ଼ିଲେଣି ଲୋକେ। ସେଭଳି ଏକ ହେଲା ବମ୍ବେରେ ହେଉଥିବା ମୁଷାଳଧାରା ବର୍ଷା। ପ୍ରବଳ ବର୍ଷା ଯୋଗୁ ସହରର ତଳିଆ ଅଂଶ ଜଳମଗ୍ନ ହୋଇଯାଇଚି। ପ୍ରଥମରୁ କରୋନାରେ ଜିଇଁବା କଷ୍ଟକର ହୋଇପଡ଼ିଥିବା ବେଳେ ଏବେ ବର୍ଷା ଅସୁବିଧାକୁ ଦ୍ୱିଗୁଣା କରିଛି। ସୋସିଆଲ ମିଡିଆରେ ଏକ ପରିବା ବିକାଳିଙ୍କ ଫଟୋ ଭାଇରାଲ ହେଉଛି, ଯିଏ ବିପର୍ଯ୍ୟୟରେ ଥକ୍କି ବସି ଯାଇଛନ୍ତି।
ବ୍ୟକ୍ତିଜଣଙ୍କ ଅଶୋକ ସିଂ(୪୫) ବୋଲି ଜଣାପଡ଼ିଛି। ସେ ଭେଣ୍ଡି ବଜାରରେ ପନିପରିବା ବିକ୍ରି କରନ୍ତି। ଦୀର୍ଘ ୪ ମାସ ପରେ ସେ ବୁଧବାର ପ୍ରଥମ ଥର ପାଇଁ ସେ ଦୋକାନ ଖୋଲିଥିଲେ। ହେଲେ ଚାରିଆଡେ ବନ୍ୟା ଭଳି ପରିସ୍ଥିତି ପାଇଁ ବାଧ୍ୟ ହୋଇ ତାଙ୍କୁ ଦୋକାନ ବନ୍ଦ କରିବାକୁ ପଡ଼ିଲା। ଏହାକୁ ନେଇ ଖାଲି ହାତରେ କୁର୍ଲାରେ ଥିବା ଘରକୁ ଫେରିବାକୁ ପଡ଼ିଥିଲା। ହେଲେ କିଙ୍ଗ ସର୍କଲ ପାଖରେ ସେ କାନ୍ଦି ପକାଇଥିଲେ। ସେ ଥକି ଯାଇ ରାସ୍ତା ମଝିରେ ଥିବା ଏକ ଡିଭାଇଡର ଉପରେ ବସିଯାଇଥିଲେ। ଏକ ଫଟୋଗ୍ରାଫର ଏହି ଫଟୋକୁ ଉଠାଇଥିଲେ। ଫଟୋରୁ ଅଶୋକଙ୍କ ଦୁଃଖ ସ୍ପଷ୍ଟ ବାରି ହୋଇ ପଡ଼ୁଥିଲା।
ସୋସିଆଲ ମିଡିଆରେ ଏହି ଫଟୋ ଭାଇରାଲ ହେବା ପରେ ବହୁତ ଲୋକ ଅଶୋକଙ୍କୁ ସହାୟତାର ହାତ ବଢ଼ାଇଛନ୍ତି। ଇତିମଧ୍ୟରେ ଲୋକମାନେ ତାଙ୍କୁ ୨ ଲକ୍ଷ ଟଙ୍କା ସହାୟତା କରିଥିବା ଜଣାପଡ଼ିଛି।
