କଟକ ଅଫିସ,୧୭ା୧୦: କରୋନା କଟକଣା ମଧ୍ୟରେ ଶନିବାର କଟକର ଦେବୀଗଡା, ଚହଟା, ଯୋବ୍ରା ମ୍ୟୁଜିୟମ ନିକଟ, କାର୍ତ୍ତିକେଶ୍ୱର ଗଡା, ଘାଟକୁଳ ଆଦି ୬ ସ୍ଥାନରେ ହୋଇଥିବା ଅସ୍ଥାୟୀ ପୋଖରୀରେ ମା’ ଦୁର୍ଗାଙ୍କୁ ବିସର୍ଜନ କରାଯାଇଛି। ସକାଳୁ ସନ୍ଧ୍ୟା ୬ଟା ମଧ୍ୟରେ ଦେବୀଗଡାରେ ପ୍ରାୟ ୮୦ ମୂର୍ତ୍ତି ଓ ଅନ୍ୟ ପୋଖରୀରେ ୧୭ଟି ମୂର୍ତ୍ତି ବିସର୍ଜନ କରାଯାଇଛି। ରବିବାର ପ୍ରାୟ ୨୦ଟି ମୂର୍ତ୍ତି ବିସର୍ଜନ ହେବ ବୋଲି କଟକ ମହାନଗର ଶାନ୍ତି କମିଟି ସଭାପତି ଦେବେନ୍ଦ୍ର ସାହୁ କହିଛନ୍ତି ା ସେହିପରି ପୂଜା କମିଟିର ୭ ଜଣ ସଦସ୍ୟ ଭସାଣିରେ ସାମିଲ ହୋଇଥିବାବେଳେ ପୂଜାରେ ଶାନ୍ତିଶୃଙ୍ଖଳା ରକ୍ଷା ପାଇଁ ୩୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା। ଦେବୀଗଡାଠାରେ ବିସର୍ଜନ ସମୟରେ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଓ ଡିସିପି ପ୍ରତୀକ୍ ସିଂ ଉପସ୍ଥିତ ରହି ସ୍ଥିତି ଅନୁଧ୍ୟାନ କରିଛନ୍ତି।