ଭୁବନେଶ୍ୱର,୪।୬: ବେଦାନ୍ତ ଆଲୁମିନିୟମ୍ର ଓଡ଼ିଶା ୟୁନିଟ୍ ଝାରସୁଗୁଡ଼ା କାରଖାନା ଏବଂ ଓଡ଼ିଶା ସରକାରଙ୍କ ବଏଲର ନିର୍ଦ୍ଦେଶାଳୟ ସହଯୋଗରେ ଏକ ପ୍ରଭାବଶାଳୀ ଶିଳ୍ପ ସୁରକ୍ଷା ତାଲିମ କାର୍ଯ୍ୟକ୍ରମ କାରଖାନା ପରିସରରେ ଆୟୋଜିତ ହୋଇଯାଇଛି। ଓଡ଼ିଶା ସରକାରଙ୍କ ଶ୍ରମ ବିଭାଗ ଏବଂ ଇଏସ୍ଆଇ ଅଧୀନରେ ଅନୁଷ୍ଠିତ ଏହି ତାଲିମ କାର୍ଯ୍ୟକ୍ରମ ପ୍ରଶିକ୍ଷଣ ଅଭିଯାନର ଏକ ଅଂଶ ଥିଲା। ବିଶେଷକରି ଶିଳ୍ପ ପ୍ରଫେସନାଲମାନଙ୍କ ମଧ୍ୟରେ ସୁରକ୍ଷା ସଚେତନତା ସୃଷ୍ଟି କରିବା ଦିଗରେ ଏହା ବେଶ୍ ସହାୟକ ହୋଇଥାଏ। ଉକ୍ତ କାର୍ଯ୍ୟକ୍ରମରେ ପଶ୍ଚିମ ଓଡ଼ିଶାର ବିଭିନ୍ନ ଶିଳ୍ପ ଏବଂ କମ୍ପାନୀଗୁଡ଼ିକର ୪୫୦ରୁ ଅଧିକ ଅଂଶଗ୍ରହଣକାରୀ ଯୋଗଦେଇଥିଲେ।
ଏହି ଅବସରରେ ଓଡ଼ିଶା ସରକାରଙ୍କ ଶ୍ରମ ବିଭାଗ ଏବଂ ଇଏସ୍ଆଇ କମିଶନର କମ୍ ସେକ୍ରେଟାରି ଆର୍.ଏସ୍. ଗୋପାଳନ ସମ୍ମାନିତ ଅତିଥି ଭାବେ ଯୋଗଦେଇ ତାଲିମ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଅନ୍ୟମାନଙ୍କ ମଧ୍ୟରେ ନିରଞ୍ଜନ ଜେନା, ଡେପୁଟି ସେକ୍ରେଟାରି (ନୋଡାଲ ଅଫିସର), ଶ୍ରମ ଏବଂ ଇଏସ୍ଆଇ ବିଭାଗ, ଓଡ଼ିଶା ସରକାର, ସ୍ବରୂପ ଜେନା, ଉପ ନିର୍ଦ୍ଦେଶକ, କାରଖାନା ଏବଂ ବଏଲର ନିର୍ଦ୍ଦେଶାଳୟ ଓଡ଼ିଶା ସରକାର-ସମ୍ବଲପୁର ଜୋନ୍, ମନୋଜ କୁମାର ମିଶ୍ର, ସହକାରୀ ନିର୍ଦ୍ଦେଶକ, କାରଖାନା ଏବଂ ବଏଲର ନିର୍ଦ୍ଦେଶାଳୟ ଓଡ଼ିଶା ସରକାର, ଝାରସୁଗୁଡ଼ା ଜୋନ୍ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅଜୟ ପାଣ୍ଡେ-ଶକ୍ତି, ବେଦାନ୍ତ ଲିମିଟେଡ୍, ଝାରସୁଗୁଡ଼ା ପ୍ରମୁଖ ଯୋଗଦେଇଥିଲେ। ଉଲ୍ଲେଖଯୋଗ୍ୟ, ଉକ୍ତ ତାଲିମ କାର୍ଯ୍ୟକ୍ରମଟି ଇନ୍ଷ୍ଟିଚ୍ୟୁଟ୍ ଅଫ୍ କ୍ୱାଲିଟି ଆଣ୍ଡ ପରିବେଶ ମ୍ୟାନେଜମେଣ୍ଟ ସର୍ଭିସେସ୍ ପ୍ରାଇଭେଟ୍ ଲିମିଟେଡ୍ର ବିଶେଷଜ୍ଞ ଓ ପ୍ରଶିକ୍ଷକମାନଙ୍କ ଦ୍ୱାରା ପରିଚାଳିତ ହୋଇଥିଲା। ଏ ସମ୍ପର୍କରେ ବେଦାନ୍ତ ଲିମିଟେଡ୍ର ସିଇଓ ସୁନୀଲ ଗୁପ୍ତା କହିଛନ୍ତି, ଶ୍ରେଣୀ ସୁରକ୍ଷା ପ୍ରଯୁକ୍ତିବିଦ୍ୟା ଯାହା କର୍ମକ୍ଷେତ୍ରରେ ନିରାପତ୍ତା ପ୍ରଥମ ଅଭ୍ୟାସକୁ ଦୃଢ଼ କରିଥାଏ ଏବଂ ଆମେ କେବଳ ନିଜ କାର୍ଯ୍ୟ ମଧ୍ୟରେ ନୁହେଁ ବରଂ ସମଗ୍ର ଶିଳ୍ପରେ ସୁରକ୍ଷାକୁ ପ୍ରୋତ୍ସାହିତ କରିବାକୁ ପ୍ରତିଶ୍ରୁତିବଦ୍ଧ ରହିଛୁ। ସେହିଭଳି ବେଦାନ୍ତ ଲିମିଟେଡ୍(ଝାରସୁଗୁଡ଼ା)ର ସିଓଓ (ପାଓ୍ବାର) ଅଜୟ ପାଣ୍ଡେ କହିଛନ୍ତି, ଓଡ଼ିଶାର ସମସ୍ତ ଶିଳ୍ପ ବୃତ୍ତିଗତମାନଙ୍କ ପାଇଁ ନିରାପଦ କାର୍ଯ୍ୟ ପରିବେଶ ସୃଷ୍ଟି କରିବା ସହିତ ଏଭଳି ଏକ ତାଲିମ କାର୍ଯ୍ୟକ୍ରମ ଶିଳ୍ପ ନିରାପତ୍ତା ଅଭ୍ୟାସରେ ଉନ୍ନତି ଆଣିବାର ପ୍ରମୁଖ ଭୂମିକା ଗ୍ରହଣ କରିଥାଏ। ସେହିପରି ଓଡ଼ିଶା ସରକାରଙ୍କ ଶ୍ରମ ବିଭାଗ ଏବଂ ଇଏସ୍ଆଇ କମିଶନର କମ୍ ସେକ୍ରେଟାରି ଗୋପାଳନ୍ କହିଛନ୍ତି, ତାଲିମ କାର୍ଯ୍ୟକ୍ରମ ପ୍ରମୁଖ ଶିଳ୍ପଗୁଡିକ ପାଇଁ ନେଟ୍ୱାର୍କ, ଜ୍ଞାନ ଆଦାନ ପ୍ରଦାନ ଏବଂ ଶିଳ୍ପ ନିରାପତ୍ତା କ୍ଷେତ୍ରରେ ସର୍ବୋତ୍ତମ ଅଭ୍ୟାସ ବାଣ୍ଟିବା ପାଇଁ ଏକ ପ୍ଲାଟ୍ଫର୍ମ ଭାବରେ କାର୍ଯ୍ୟ କରିଥାଏ।