ଭୁବନେଶ୍ୱର,୧୮।୧୦(ଅଭୟ ଦାଶ): ଦେଶର ଭିତ୍ତିଭୂମି ବିକାଶ ନିମନ୍ତେ କେନ୍ଦ୍ର ସରକାର (ଭାରତ) ଆସନ୍ତା ୭ ବର୍ଷ ମଧ୍ୟରେ ପ୍ରାୟ ୧୪୩ ଲକ୍ଷ କୋଟି ଟଙ୍କା ବ୍ୟୟ (ଖର୍ଚ୍ଚ) କରିବ ବୋଲି ରେଟିଂ ଏଜେନ୍ସି କ୍ରିସିଲ ଏକ ରିର୍ପୋଟରେ ବିସ୍ତୃତ ଭାବେ ଉଲ୍ଲେଖ କରିଛି। ଏପରିକି ମଙ୍ଗଳବାର ରେଟିଂ ଏଜେନ୍ସି କ୍ରିସିଲର ରିପୋର୍ଟ ଅନୁଯାୟୀ ଆର୍ଥିକ ବର୍ଷ ୨୦୨୩-୨୪ ରୁ ୨୦୨୯-୩୦ ମଧ୍ୟରେ ଭାରତ ପାଖପାଖି ୧୪୩ ଲକ୍ଷ କୋଟି ଟଙ୍କା ଖର୍ଚ୍ଚ କରିବ ବୋଲି ଏଜେନ୍ସି ଉକ୍ତ ଆକଳନ କରିବା ସହ କହିଛି ଯେ, ଏହି ରାଶି ଗତ ୭ ବର୍ଷ (ଆର୍ଥିକ ବର୍ଷ ୨୦୧୬-୧୭ରୁ ୨୦୨୨-୨୩) ମଧ୍ୟରେ ଖର୍ଚ୍ଚ କରାଯାଇଥିବା ୬୭ଲକ୍ଷ କୋଟି ଟଙ୍କା ତୁଳନାରେ ଦୁଇ ଗୁଣାରୁ ଅଧିକ ହେବ ବୋଲି କୁହାଯାଇଛି। ଏପରିକି ସମୀକ୍ଷାଧୀନ ଅବଧି ମଧ୍ୟରେ ମୋଟ ୩୬.୬ ଲକ୍ଷ କୋଟି ଟଙ୍କା କେବଳ ସବୁଜ ପ୍ରକଳ୍ପରେ ଖର୍ଚ୍ଚ କରାଯିବାକୁ ଥିବାବେଳେ ଯାହା ୨୦୧୭-୨୩ ମଧ୍ୟରେ ହୋଇଥିବା ବ୍ୟୟର ୫ଗୁଣାରୁ ବି ଅଧିକ ହେବ ବୋଲି କ୍ରିସିଲ ତା’ର ‘ଇନ୍ଫ୍ରାଷ୍ଟ୍ରକ୍ଚର ଇୟର ବୁକ୍ ୨୦୨୩’ରେ ବିସ୍ତୃତ ଭାବେ ଉଲ୍ଲେଖ କରିଛି। ସେହିଭଳି ଭାରତର ଭିତ୍ତିଭୂମି ବିକାଶ ଖର୍ଚ୍ଚ ୨୦୧୭-୨୦୨୩ ଆର୍ଥିକ ବର୍ଷଗୁଡିକ ତୁଳନାରେ ୨୦୨୪-୩୦ ଆର୍ଥିକ ବର୍ଷ ମଧ୍ୟରେ ଦୁଇ ଗୁଣା ହୋଇ ୧୪୩ ଲକ୍ଷ କୋଟି ଟଙ୍କାରେ ପହଞ୍ଚତ୍ୟିବ। ଏ ସମ୍ପର୍କରେ କ୍ରିସିଲ ଲମିଟେଡର ଏମ୍ଡି ଓ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅମୀଷ ମେହେଟ୍ଟା କହିଛନ୍ତି, ଆମର ଆକଳନ ଅନୁଯାୟୀ ଆର୍ଥିକବର୍ଷ ୨୦୩୦-୩୧ ପର୍ଯ୍ୟନ୍ତ ଭାରତର ମୋଟ ଘରୋଇ ଉତ୍ପାଦ (ଜିଡିପି) ହାରାହାରି ୬.୭% ହାରରେ ବୃଦ୍ଧି ଘଟିବ। ବିଶେଷକରି ଏହା ଏକ ତ୍ୱରିତ ବୃଦ୍ଧି ପାଉଥିବା ଦେଶ ହୋଇଥିବାବେଳେ ଖୁବଶୀଘ୍ର ସବୁଠୁ ବଡ଼ ଅର୍ଥ ବ୍ୟବସ୍ଥାରେ ପରିଣତ ହୋଇଯିବ। ସେହିପରି ଆର୍ଥିକବର୍ଷ ୨୦୩୦-୩୧ ପର୍ଯ୍ୟନ୍ତ ପ୍ରତି ବ୍ୟକ୍ତି ଆୟ ବର୍ତ୍ତମାନର ୨୫୦୦ ଡଲାରରୁ ବଢ଼ି ୪୫୦୦ ଡଲାରକୁ ପହଞ୍ଚତ୍ବ। ଫଳରେ ଭାରତ ଏକ ମଧ୍ୟମ ଆୟକାରୀ ଦେଶରେ ପରିଣତ ହେବ। ଅପରପକ୍ଷରେ ମେହେଟ୍ଟା କହିଛନ୍ତି, ନୀତିଗତ ହସ୍ତକ୍ଷେପ ଓ ଅନୁକୂଳ ନିବେଶ ପରିବେଶ ସହଯୋଗରେ ଏହା ସମ୍ଭବ ହେବ। ଏପରିକି ସବୁକ୍ଷେତ୍ରରେ ‘କ୍ରିସିଲ ଇନ୍ଫ୍ରାଇନଭେକ୍ସ’ ସ୍କୋରରେ ବୃଦ୍ଧି ହୋଇଛି, କ୍ରିସିଲ ଇନଫ୍ରାଷ୍ଟ୍ରକ୍ଚର ଇୟରବୁକ୍ ୨୦୨୩ରେ ଏକ ନୂଆ ଜାତୀୟ ସୂଚକାଙ୍କ ‘କ୍ରିସିଲ ଇନଫ୍ରାଇନଭେକ୍ସ’କୁ ସାମିଲ କରିଛନ୍ତି। ଯାହା ଭିତ୍ତିଭୂମି ବିକାଶ ଉପରେ କେନ୍ଦ୍ରିତ ରହିଛି, ମେହେଟ୍ଟା କହିଛନ୍ତି ଯେ ସଡକ ଓ ରାଜମାର୍ଗ, ବିଦ୍ୟୁତ ଟ୍ରାନ୍ସମିଶନ, ରିନେଓ୍ବେଲ ଏନର୍ଜୀ ଓ ବନ୍ଦର କ୍ଷେତ୍ରର ମୋଟ ସ୍କୋର ୧୦ରେ ୭ରୁ ଅଧିକ ରହିଛି, ଯାହା ଗତ କିଛି ବର୍ଷରେ ହୋଇଥିବା ସୁଧାର ଓ ବୃଦ୍ଧିର ଗତିକୁ ଦର୍ଶାଉଛି।
ରେଟିଂ ଏଜେନ୍ସି କହିଛିି, ଭିତ୍ତିଭୂମି ବିକାଶର ପରବର୍ତ୍ତୀ ପର୍ଯ୍ୟାୟରେ ପ୍ରକଳ୍ପଗୁଡ଼ିକ ହାରାହାରି ଆକାରରେ ବୃଦ୍ଧି ହେବ ଓ ଏଥିରେ ବହୁ ସଂଖ୍ୟାରେ ବିଶାଳ ପ୍ରକଳ୍ପ ସବୁ ଯୋଡ଼ି ହେବେ।