ଭୁବନେଶ୍ୱର,୨୯।୫: ସଫ୍ଟୱେର କ୍ୟାରିୟର ଲାଗି ଦକ୍ଷତା ବିକାଶ ପ୍ଳାଟ୍ଫର୍ମ ନେକ୍ସଟ୍ୱେଭ୍ ବର୍ତ୍ତମାନ ସମୟରେ ଏକ ପ୍ରମୁଖ ସଂସ୍ଥା ଭାବେ ଉଭା ହୋଇଛି। ଏପରିକି ଗତ ଦୁଇ ବର୍ଷରେ ନେକ୍ସଟ୍ୱେଭ୍ର ପ୍ରଶିକ୍ଷାର୍ଥୀଙ୍କୁ ୧୩୦୦ରୁ ଅଧିକ କମ୍ପାନୀରେ ନିଯୁକ୍ତି ମିଳିଥିବା ପ୍ଲାଟଫର୍ମ ପକ୍ଷରୁ ଘୋଷଣା କରାଯାଇଛି। ବିଶେଷ କରି ପ୍ରତିଭାବାନ କର୍ମଚାରୀ ସନ୍ଧାନ କରୁଥିବା ପ୍ରଯୁକ୍ତି କମ୍ପାନୀଗୁଡ଼ିକ ଲାଗି ନେକ୍ସଟ୍ୱେଭ୍ ପସନ୍ଦର ସ୍ଥାନ ଭାବେ ପରିଣତ ହୋଇଛି। ଏପରିକି ନେକ୍ସଟ୍ୱେଭ୍ର ଗ୍ରାଜୁଏଟ୍ମାନଙ୍କୁ ସଫ୍ଟୱେର ଡେଭେଲପର, ଫୁଲ୍ ଷ୍ଟାକ୍ ଡେଭେଲପର, ଡାଟା ଇଞ୍ଜିନିୟର ଓ ଡାଟା ଆନାଲିଷ୍ଟ୍ ଭାବେ ବିଭିନ୍ନ କମ୍ପାନୀରେ ନିଯୁକ୍ତି ମିଳୁଛି। ଏ ସମ୍ପର୍କରେ ନେକ୍ସଟ୍ୱେଭ୍ର ସିଇଓ ରାହୁଲ ଆଟୁଲୁରି କହିଛନ୍ତି, ଚଳିତ ଦଶନ୍ଧିରେ ଭାରତୀୟ ଆଇଟି ଶିଳ୍ପ ତିନି ଗୁଣା ବୃଦ୍ଧି ପାଇବାକୁ ଯାଉଛି। ଏପରିକି ଶିଳ୍ପ ଅନୁକୂଳ ତାଲିମ ଜରିଆରେ ଆମେ ପ୍ରଦାନ କରୁଥିବା ପ୍ରତିଭାମାନଙ୍କୁ ବହୁ କମ୍ପାନୀ ପ୍ରଶଂସା କରୁଛନ୍ତି। ଏହି ବିପୁଳ ସୁଯୋଗ ଲାଗି ଯୁବପିଢ଼ିଙ୍କୁ ପ୍ରସ୍ତୁତ କରିବା ଉପରେ ଆମେ ଗୁରୁତ୍ୱାରୋପ କରୁଛୁ। ବିଶେଷ କରି ପ୍ରଯୁକ୍ତି ଶିଳ୍ପରେ ପ୍ରତିଭାର ରହିଥିବା ଅଭାବକୁ ପୂରଣ କରିବା ଦିଗରେ ଆମେ ଠିକ୍ ପଥରେ ରହିଥିବା ଏହି ମାଇଲଖଣ୍ଟିରେ ପ୍ରତିଫଳିତ ହୋଇଛି।