ଭୋପାଳ,୩୦ା୫: ପୋଲିସ ସୁରକ୍ଷାରେ ବିବାହ ପଞ୍ଜୀକରଣ କରିବାକୁ ଚାହୁଁଥିବା ଏକ ହିନ୍ଦୁ-ମୁସ୍ଲିମ୍ ଯୋଡ଼ିଙ୍କ ଆବେଦନକୁ ମଧ୍ୟପ୍ରଦେଶ ହାଇକୋର୍ଟ ଖାରଜ କରିଦେଇଛନ୍ତି। ମୁସଲମାନ ଆଇନରେ ଏଭଳି ବିବାହ ଅବୈଧ। ଏପରିକି ସ୍ବତନ୍ତ୍ର ବିବାହ ଆଇନରେ ମଧ୍ୟ ହିନ୍ଦୁ-ମୁସଲମାନ ଦମ୍ପତିଙ୍କ ବିବାହ ବୈଧ ନୁହେଁ ବୋଲି ଜଷ୍ଟିସ୍ ଗୁରପାଲ ସିଂ ଆଲୁଓ୍ବାଲିଆଙ୍କ ଖଣ୍ଡପୀଠ କହିଛନ୍ତି। ଯୁବତୀଙ୍କ ପରିବାର ପକ୍ଷରୁ ହାଇକୋର୍ଟରେ ଦାଏର ପିଟିଶନରେ କୁହାଯାଇଥିଲା, ଏହି ବିବାହ ହେଲେ ସମାଜ ସେମାନଙ୍କୁ ଅଲଗା କରିଦେବ।