ଇସଲାମାବାଦ,୭ା୪: ପାକିସ୍ତାନରେ ଚାଲିଥିବା ରାଜନୈତିକ ଅସ୍ଥିରତା ଉପରେ ସୁପ୍ରିମକୋର୍ଟ ଶୁଣାଣି କରିଛନ୍ତି। ତେବେ ଏହି ଶୁଣାଣିରେ ଇମ୍ରାନ ଖାନ୍ଙ୍କୁ ଏକ ଶକ୍ତ ଧକ୍କା ଲାଗିଛି।
ରିପୋର୍ଟ ଅନୁଯାୟୀ, ଏପ୍ରିଲ ୩ରେ ରାଷ୍ଟ୍ରୀୟ ସଭାରେ ଡେପୁଟି ବାଚସ୍ପତି ଦେଇଥିବା ନିଷ୍ପତ୍ତି ଭୁଲ୍ ବୋଲି କୋର୍ଟ କହିଛନ୍ତି। ଏହାପୂର୍ବରୁ ପାକିସ୍ତାନର ପ୍ରଧାନ ବିଚାରପତି ଉମର ଆତା ବନ୍ଦିଆଲ କହିଥିଲେ ଯେ, ଏପ୍ରିଲ ୩ରେ ରାଷ୍ଟ୍ରୀୟ ଆସେମ୍ବ୍ଲିଂରେ ଡେପୁଟି ବାଚସ୍ପତି ଦେଇଥିବା ନିଷ୍ପତ୍ତି ସମ୍ବିଧାନର ଧାରା ୯୫ ର ଉଲ୍ଲଂଘନ କରୁଥିବା ଜଣାପଡ଼ିଛି।
ବେଞ୍ଚରେ ଅନ୍ତର୍ଭୁକ୍ତ ହୋଇଥିବା ଅନ୍ୟ ଜଣେ ଜଷ୍ଟିସ ଜମାଲ ଖାନ ମାଣ୍ଡୋଖେଲ କହିଛନ୍ତି, ଏପ୍ରିଲ ୩ରେ ଡେପୁଟି ବାଚସ୍ପତିି ଦେଇଥିବା ଆଦେଶକୁ କାସିମ ସୁରିଙ୍କ ନୁହେଁ ବରଂ ବାଚସ୍ପତି ଆଜାଦ କୌସର ଦସ୍ତଖତ କରିଛନ୍ତି। ଆଜି ଏହାର ଚୂଡ଼ାନ୍ତ ରାୟ ପ୍ରକାଶ ପାଇବ ବୋଲି କୋର୍ଟ ସ୍ପଷ୍ଟ କରିଛନ୍ତି। ଅନ୍ୟପକ୍ଷରେ ସୁପ୍ରିମକୋର୍ଟ ବାହାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
