ଇସଲାମାବାଦ,୨୬ ।୫: ଶେଷ ହୋଇଛି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ଆଜାଦୀ ମାର୍ଚ୍ଚ । ସଂସଦ ବାହାରେ ପୋଲିସ ଓ ତାଙ୍କ ସମର୍ଥକଙ୍କ ମଧ୍ୟରେ ସଂଘର୍ଷ ପରେ ଏହା ଶେଷ ହୋଇଛି । ଏହାରି ଭିତରେ ଇମ୍ରାନ ବିଧାନସଭା ଭଙ୍ଗ କରିବା ଓ ପୁଣିଥରେ ନିର୍ବାଚନ ଘୋଷଣା କରିବାକୁ ଶେହବାଜ ଶରିଫ ସରକାରଙ୍କୁ ୬ ଦିନ ସମୟ ଦେଇଛନ୍ତି । ସେ କହିଛନ୍ତି ଯଦି ଏହା କରିବାରେ ସରକାର ବିଫଳ ହୁଅନ୍ତି ତେବେ ସେ ସମ୍ପୂର୍ଣ୍ଣ ଦେଶ ସହ ରାଜଧାନୀକୁ ଫେରିବେ ।
ଇମ୍ରାନ ଆହୁରି ମଧ୍ୟ କହିଛନ୍ତି ଅନାସ୍ଥା ପ୍ରସ୍ତାବ ଜରିଆରେ ତାଙ୍କ ସରକାରଙ୍କୁ ଭାଙ୍ଗିବା ଓ ଶେହବାଜ ଶରିଫଙ୍କ ନେତୃତ୍ୱରେ ସରକାର ଗଠନ କରିବା ଆମେରିକା ଷଡଯନ୍ତ୍ରର ଫଳାଫଳ । ହେଲେ ତାଙ୍କ ସହ ଦେଶର ସମର୍ଥନ ରହିଛି ବୋଲି ଦର୍ଶାଇବାକୁ ସେ ପୁଣିଥରେ ନିର୍ବାଚନ ଘୋଷଣା କରିବାକୁ ଦାବି କରିଛନ୍ତି । ଯଦି ଏହା ନ ହେଲା ତେବେ ସେ ପୁଣି ୬ ଦିନ ପରେ ଫେରିବେ ।
