ଇସଲାମାବାଦ,୨୨ା୫: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫଙ୍କ ଝିଅ ମରିୟମ ନଓ୍ବାଜଙ୍କୁ ଇମ୍ରାନ ଖାନ୍ ଆପତ୍ତିଜନକ ଟିପ୍ପଣୀ ଦେଇ ଫସିଯାଇଛନ୍ତି। ମୁଲତାନରେ ଏକ ସମାବେଶକୁ ସମ୍ବୋଧିତ କରିବାବେଳେ ଇମ୍ରାନ ସମ୍ମାନର ସମସ୍ତ ସୀମା ଅତିକ୍ରମ କରିଥିଲେ। ମରିୟମଙ୍କ ଏକ ରାଲି ବିଷୟରେ ଉଲ୍ଲେଖ କରି ଇମ୍ରାନ କହିଛନ୍ତି, ରାଲିରେ ମରିୟମ ଯେପରି ମୋ’ ନାଁ ଆତ୍ମା ଏବଂ ଉତ୍ସାହର ସହ ନେଇଛନ୍ତି, ସେଥିପାଇଁ ମୁଁ ତାଙ୍କୁ କହିବାକୁ ଚାହେଁ ଯେ, ମରିୟମ ଟିକେ ସତର୍କ ରୁହନ୍ତୁ, ଆପଣ ଯେପରି ମୋ ନାଁ ନେଉଛନ୍ତି, ତାହା ଉପରେ ତୁମ ‘ସ୍ବାମୀ ବିବ୍ରତ ହୋଇପାରନ୍ତି’।
ଏହି ବିବୃତ୍ତି ପାଇଁ ଇମ୍ରାନ ପାକିସ୍ତାନରେ ଅନେକ ସମାଲୋଚନାର ଶିକାର ହେଉଛନ୍ତି। ପ୍ରଧାନମନ୍ତ୍ରୀ ଶାହବାଜ ଶରିଫ ଟୁଇଟରରେ କହିଛନ୍ତି, ଦେଶର ଝିଅ ମରିୟମ, ବିଶେଷକରି ମହିଳାଙ୍କ ବିରୋଧରେ ଅପମାନଜନକ ଭାଷାର ବ୍ୟବହାରକୁ ସମଗ୍ର ଦେଶ ନିନ୍ଦା କରିବା ଉଚିତ। ଏଥିସହିତ ସେ ଇମ୍ରାନଙ୍କ ମନ୍ତବ୍ୟକୁ କଡ଼ା ନିନ୍ଦା କରିଛନ୍ତି। ପାକିସ୍ତାନର ମାନବାଧିକାର କମିଶନ ଇମ୍ରାନଙ୍କୁ ତାଗିଦ କରି କହିଛନ୍ତି, ସେ କେବଳ ମରିୟମଙ୍କୁ ନୁହେଁ ସମାଜର ପ୍ରତ୍ୟେକ ମହିଳାଙ୍କୁ କ୍ଷମା ମାଗନ୍ତୁ।