ଭୁବନେଶ୍ୱର,୧୬।୧୧(ବ୍ୟୁରୋ): ଓଡ଼ିଶା ପୋଲିସକୁ ବଡ଼ ସଫଳତା ମିଳିଛି। ୧୦ ଦିନ ଭିତରେ ୩ ହଜାର ୪୮୮ ଫେରାର ଅଭିଯୁକ୍ତଙ୍କୁ ଗିରଫ କରାଯାଇଛି। ନଭେମ୍ବର ୫ରୁ ୧୪ ତାରିଖ ଭିତରେ ଫେରାରଙ୍କୁ ଧରିବା ଲାଗି ଓ ପୋଲିସ ପକ୍ଷରୁ ଏକ ସ୍ବତନ୍ତ୍ର ଡ୍ରାଇଭ ଲଞ୍ଚ ହୋଇଥିଲା। ଗିରଫଙ୍କ ମଧ୍ୟରୁ ୨୩୯୨ ଜଣଙ୍କ ବିରୋଧରେ ଜିଆର କେସ ଥିବାବେଳେ ୪୦୦ ଜଣ ସିଜନାଲ ଟ୍ରାଏଲ କେସ ଓ ୬୯୬ ଜଣଙ୍କ ବିରୋଧରେ ଅନ୍ୟାନ୍ୟ କେସ ରହିଛି। ତେବେ ବାଲେଶ୍ୱର ଜିଲାରୁ ସର୍ବାଧିକ ୫୯୨ ଜଣ ଓ୍ବାରେଣ୍ଟିଙ୍କୁୁ ଗିରଫ କରାଯାଇଥିବା ବେଳେ ଗଞ୍ଜାମରୁ ୫୫୧ ଜଣଙ୍କୁ ଗିରଫ କରାଯାଇଛି। ସେହିପରି ଖୋର୍ଦ୍ଧା ଜିଲାରୁ ୫୧୬ ଜଣ ଓ୍ବାରେଣ୍ଟିଙ୍କୁ ପୋଲିସ ଗିରଫ କରିବାରେ ସମର୍ଥ ହୋଇଛି। ବଡ଼ କଥା ହେଉଛି, ଗିରଫ ଓ୍ବାରେଣ୍ଟିଙ୍କ ମଧ୍ୟରୁ ୨୬୪୮ ଜଣଙ୍କ ବିରୋଧରେ ଜାମିନ ବିହୀନ ଗିରଫ ପରଓ୍ବାନା ଥିଲା
ତେବେ ଓ୍ବାରେଣ୍ଟିଙ୍କୁ ଗିରଫ କରିବାରେ ସଫଳ ହୋଇଥିବା ସମ୍ପୃକ୍ତ ଜିଲା ପୋଲିସକୁ ରାଜ୍ୟ ପୋଲିସ ପକ୍ଷରୁ ପ୍ରଶଂସା କରାଯାଇଛି। ଡିଜିପି ଅଭୟ ସେମାନଙ୍କୁ ପ୍ରଶଂସା କରିବା ସହ ଧନ୍ୟବାଦ ଜଣାଇଛନ୍ତି।