ଭୁବନେଶ୍ୱର,୨୩।୬(ବ୍ୟୁରୋ): ରାଜ୍ୟରେ ଗତ ୨୪ଘଣ୍ଟାରେ ୬୫,୮୪୫ ନମୂନା ପରୀକ୍ଷା ହୋଇଥିବା ବେଳେ ୩,୪୫୬ ପଜିଟିଭ ଚିହ୍ନଟ ହୋଇଛନ୍ତି। ଏବେ କରୋନା ତଳମୁହାଁ ହୋଇଥିବା ବେଳେ ୧୯ଟି ଜିଲାରେ ସଂକ୍ରମଣ ହାର ୫% ତଳେ ରହିଛି। ସ୍ବାସ୍ଥ୍ୟ ବିଭାଗର ତଥ୍ୟ ଅନୁସାରେ, ବଲାଙ୍ଗୀର ୧.୨୫, ବୌଦ୍ଧ ୩.୬, ଦେବଗଡ଼ ୨.୬୪, ଗଜପତି ୧.୪୭, ଗଞ୍ଜାମ ୦.୭୮, ଜଗତସିଂହପୁର ୪.୮୬, ଝାରସୁଗୁଡ଼ା ୦.୭, କଳାହାଣ୍ଡି ୧.୩, କନ୍ଧମାଳ ୨.୨୧, କେନ୍ଦୁଝର ୩.୯୬, ନବରଙ୍ଗପୁର ୨.୩୯, ନୂଆପଡ଼ା ୧.୬୪, ରାୟଗଡ଼ା ୪.୯, ସମ୍ବଲପୁର ୧.୨୨, ସୋନପୁର ୨.୬୪, ସୁନ୍ଦରଗଡ଼ ୨.୧୯, ଅନୁଗୋଳ ୩.୨୭, ବାଲେଶ୍ୱର ୪.୭୬, ବରଗଡ଼ ୩.୭% ସଂକ୍ରମଣ ହାର ରହିଛି। ଅନ୍ୟପଟେ ଦୈନିକ ଯାଜପୁର ଜିଲାରେ ସଂକ୍ରମଣ ହାର ଅଧିକ ରହୁଥିବା ବେଳେ ଏବେ ୧୦% ତଳକୁ ଖସିଛି। ପୁରୀରେ ୧୨.୦୩% ଏବଂ ଖୋର୍ଦ୍ଧାରେ ୧୦.୬% ସଂକ୍ରମଣ ହାର ରହିଛି।
ରାଜ୍ୟରେ ଚିହ୍ନଟ ହୋଇଥିବା ନୂଆ ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧା ଜିଲାରୁ ୪୯୯ଜଣ ଥିବା ବେଳେ କଟକରୁ ୪୮୦, ପୁରୀ ୨୮୯, ଯାଜପୁର ୨୬୭ଜଣ ଅଛନ୍ତି। ଫଳରେ ରାଜ୍ୟରେ ଏବେ ମୋଟ ସଂକ୍ରମିତ ସଂଖ୍ୟା ୮,୮୬,୯୪୬ରେ ପହଞ୍ଚିଛି।