ନୂଆଦିଲ୍ଲୀ,୭।୨ : ଜମ୍ମୁ-କଶ୍ମୀରରେ ଆତଙ୍କବାଦୀ ଆକ୍ରମଣରେ ୨୦୨୨ରେ ୩୦ ସାଧାରଣ ନାଗରିକ ଏବଂ ୩୧ ସୁରକ୍ଷା କର୍ମୀଙ୍କ ଜୀବନ ଯାଇଛି। ସେହିପରି ୨୨୧ ଜଣ ଆହତ ହୋଇଥିଲେ। କେନ୍ଦ୍ର ସ୍ବରାଷ୍ଟ୍ରରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାୟ ମଙ୍ଗଳବାର ଲୋକସଭାରେ ଏହି ସୂଚନା ପ୍ରଦାନ କରିଛନ୍ତି।
ମନ୍ତ୍ରୀ ଏକ ଲିଖିତ ପ୍ରଶ୍ନର ଉତ୍ତରରେ କହିଛନ୍ତି ଯେ ୨୦୨୩ର ପ୍ରଥମ ମାସରେ ୭ଜଣ ସାଧାରଣ ନାଗରିକ ଏବଂ ୨୩ ଜଣ ଅନ୍ୟ ଲୋକ ଆତଙ୍କବାଦୀ ଆକ୍ରମଣରେ ଆହତ ହୋଇଥିଲେ। ସେ କହିଛନ୍ତି ଯେ ଆତଙ୍କବାଦ ବିରୋଧରେ ସରକାରଙ୍କର ଶୂନ୍ୟ ସହନଶୀଳତା ନୀତି ରହିଛି ଏବଂ ଜମ୍ମୁ-କଶ୍ମୀରରେ ସୁରକ୍ଷା ପରିସ୍ଥିତିରେ ଯଥେଷ୍ଟ ଉନ୍ନତି ହୋଇଛି।
ସେ କହିଛନ୍ତି ଯେ ୨୦୨୧ ମସିହାରେ ସମୁଦାୟ ୪୧ ଜଣ ସାଧାରଣ ନାଗରିକ ଏବଂ ୪୨ ସୁରକ୍ଷା କର୍ମୀଙ୍କର ମୃତ୍ୟୁ ଘଟିଥିବା ବେଳେ ୧୯୨ ଜଣ ଆହତ ହୋଇଥିଲେ।
