ନୂଆଦିଲ୍ଲୀ,୧।୧ : ଗତ ପାଞ୍ଚ ବର୍ଷ ମଧ୍ୟରେ ହାଇକୋର୍ଟରେ ନିଯୁକ୍ତ ବିଚାରପତିମାନଙ୍କ ମଧ୍ୟରୁ ୧୫ ପ୍ରତିଶତରୁ କିଛି ଅଧିକ ପଛୁଆ ବର୍ଗର ଥିଲେ। ନ୍ୟାୟ ବିଭାଗ ଏକ ସଂସଦୀୟ ପ୍ୟାନେଲକୁ ଏହି ସୂଚନା ଦେଇଛନ୍ତି। ନ୍ୟାୟ ବିଭାଗ କହିଛି ଯେ ନ୍ୟାୟପାଳିକାରେ ବିଚାରପତି ନିଯୁକ୍ତିରେ ତିନି ଦଶନ୍ଧି ପ୍ରାଥମିକତା ପରେ ସ୍ଥିତି ଏଭଳି ରହିଛି।
ସୁପ୍ରିମକୋର୍ଟ ଏବଂ ହାଇକୋର୍ଟରେ ବିଚାରପତି ନିଯୁକ୍ତି ପାଇଁ ପ୍ରସ୍ତାବର ଆରମ୍ଭ କଲେଜିୟମ ଦ୍ୱାରା ହୋଇଥାଏ। ତେଣୁ ଉପଯୁକ୍ତ ପ୍ରାର୍ଥୀଙ୍କ ନାମ ସୁପାରିଶ କରି ସାମାଜିକ ବିବିଧତା ସମସ୍ୟାର ସମାଧାନ ପାଇଁ ବିଭାଗ ପ୍ରାଥମିକ ପଦକ୍ଷେପ ନେବା ମୁଖ୍ୟ ଦାୟିତ୍ୱ।
ବିଭାଗ କହିଛି ଯେ ପ୍ରଚଳିତ ବ୍ୟବସ୍ଥାରେ ସରକାର କେବଳ ସେହି ବ୍ୟକ୍ତିମାନଙ୍କୁ ସୁପ୍ରିମକୋର୍ଟ ଏବଂ ହାଇକୋର୍ଟର ବିଚାରପତି ଭାବରେ ନିଯୁକ୍ତ କରିପାରିବେ, ଯାହାକୁ ସର୍ବୋଚ୍ଚ ନ୍ୟାୟାଳୟର କଲେଜିୟମ ସୁପାରିଶ କରିଛନ୍ତି। ବରିଷ୍ଠ ଭାରତୀୟ ଜନତା ପାର୍ଟି ନେତା ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ସୁଶୀଲ ମୋଦିଙ୍କ ନେତୃତ୍ୱରେ ପର୍ସନାଲ, ଜନ ଅଭିଯୋଗ, ଆଇନ ଏବଂ ନ୍ୟାୟ ଉପରେ ସଂସଦୀୟ ଷ୍ଟାଣ୍ଡିଂ କମିଟି ସମ୍ମୁଖରେ ନ୍ୟାୟ ବିଭାଗ ଏକ ବିସ୍ତୃତ ଉପସ୍ଥାପନା କରିଛି।
