ଭଞ୍ଜନଗର,୨୪।୪(ଡି.ଏନ.ଏ): ରାଜ୍ୟରେ ଯେତିକି ପରିମାଣର ବିଦ୍ୟୁତ୍ ଆବଶ୍ୟକ ବର୍ତ୍ତମାନ ସେହି ଅନୁପାତରେ ବିଦ୍ୟୁତ୍ ଉପତ୍ାଦନ ହେଉନାହିଁ। ତେଣୁ ପାୱାର କଟ୍ ହେଉଛି। ଭଞ୍ଜନଗରରେ ଦିନକୁ ୩ଥର ପାୱାର କଟ୍ ପାଇଁ ସୋସିଆଲ ମିଡ଼ିଆରେ ଘୋଷଣା ହୋଇଥିଲେ ମଧ୍ୟ ତାହାଠାରୁ ଅଧିକ ଥର ବିଦ୍ୟୁତ୍ କାଟ କରାଯାଉଛି। ଏବେ ଭଞ୍ଜନଗର ଅଞ୍ଚଳରେ ତାପମାତ୍ରା ୪୦ ଡ଼ିଗ୍ରୀ ରହୁଥିଲେ ବି ୪୪ ଡ଼ିଗ୍ରୀ ଭଳି ଗରମ ଅନଭୂତ ହେଉଛି। ଏଭଳି ସ୍ଥିତିରେ ପାୱାର କଟ୍ ଯୋଗୁ ଲୋକେ ଛଟପଟ ହୋଇପଡ଼ୁଛନ୍ତି । ଅନ୍ୟପଟେ ଛାତ୍ରୀଛାତ୍ରଙ୍କ ବିଭିନ୍ନ ପରୀକ୍ଷା ଚାଲିଥିବା ବେଳେ ଏଭଳି ପାୱାର କଟ୍ ଯୋଗୁ ସେମାନଙ୍କ ପାଠପଢ଼ାରେ ବ୍ୟାଘାତ ହେଉଛି । ରାଜ୍ୟର ବିଦ୍ୟୁତ୍ ଚାହିଦା ମେଣ୍ଟାଇବା ପାଇଁ ଉପତ୍ାଦନ ବୃଦ୍ଧି କରାଯିବା କଥା, କିନ୍ତୁ ତାହା ହେବାକୁ ନାହିଁ । ଯାହାର ପରିଣାମ ଉପଭୋକ୍ତାମାନେ ଭୋଗୁଛନ୍ତି। ଅନ୍ୟପଟେ ବିଦ୍ୟୁତ୍ ସେବାରେ ସୁଧାର ଆଣିବା, ଚୋରିକୁ ରୋକିବା ପାଇଁ ସରକାର ଟାଟା ପାୱାର କମ୍ପାନୀକୁ ବିଦ୍ୟୁତ୍ ବିତରଣ ଦାୟିତ୍ୱ ହସ୍ତାନ୍ତର କରିଛନ୍ତି । ଟାଟା ପାୱାର ଦାୟିତ୍ୱ ନେବାପରେ କେତକ ସେବାରେ ଉନ୍ନତି ଆସିଥିବା ବେଳେ ଆଉ କେତକ କ୍ଷେତ୍ରରେ ଏବେବି ସମସ୍ୟା ରହିଛି। ଟାଟା ପାୱାର ନୂତନ ନିଯୁକ୍ତି ଦେବାପରେ ଅନେକ ପୁରାତନ କର୍ମଚାରୀ ନିଜର ଭବିଷ୍ୟତ ସୁରକ୍ଷିତ ଦାବି ନେଇ ଆନ୍ଦୋଳନକୁ ଓହ୍ଲାଇଥିଲେ। ବହୁଦିନ ହେବ ସେମାନେ ଆନ୍ଦୋଳନ ଚଳାଇଥିଲେ ସେମାନଙ୍କ ସମସ୍ୟା ସମାଧାନ ହୋଇପାରୁନାହିଁ। ଅନ୍ୟପଟେ ଟାଟା ପାୱାର ବିଭିନ୍ନ ଏଜେନ୍ସି ସହାୟତାରେ ନିଯୁକ୍ତି ଦେଇଥିବା ବେଳେ ସେଠାରେ ମଧ୍ୟ ବ୍ୟାପକ ଅନିୟମିତତା ହେଉଥିବା ନେଇ ଅଭିଯୋଗ ହେଉଛି । ଏନେଇ ବିଦ୍ୟୁତ୍ ବିଭାଗର ଜଣେ ଯନ୍ତ୍ରୀଙ୍କୁ ପଚାରିବାରେ ସେ କହିଛନ୍ତିଯେ ରାଜ୍ୟ ସାରା ବର୍ତ୍ତମାନ ଏହିଭଳି ସମସ୍ୟା ଦେଖାଦେଇଛି । ବିଦ୍ୟୁତ୍ ଉପତ୍ାଦନରେ ବ୍ୟାଘାତ ଯୋଗୁ ଏହି ସମସ୍ୟା ଉପୁଜିଛି ।