ଛତ୍ରପୁର,୧୧।୯(ଡି.ଏନ୍.ଏ.): ଗଞ୍ଜାମ ଜିଲା ହେଡକ୍ୱାର୍ଟର୍ସ ଛତ୍ରପୁର ସହରରେ ଗତ କିଛି ଦିନ ହେଲା ପନିପରିବା ଦର ଅତ୍ୟଧିକ ବୃଦ୍ଧି ପାଇଛି। ବ୍ୟବସାୟୀମାନେ ଚାଷୀ ମାନଙ୍କ ଠାରୁ କମ୍ ଦରରେ ବିଭିନ୍ନ ପରିବା କିଣି ଲୋକଙ୍କୁ ମନଇଚ୍ଛା ଦରରେ ବିକୁଛନ୍ତି କୌଣସି ଚାଷୀ ଛତ୍ରପୁର ସହରକୁ ପରିବା ବିକ୍ରି କରିବାକୁ ଆଣିଲେ ତାଙ୍କୁ କେତେକ ବ୍ୟବସାୟୀ ବିକ୍ରି କରିବାକୁ ଦେଉ ନ ଥିବା ଅଭିଯୋଗ ହୋଇଛି। ସେମାନେ ଚାଷୀଙ୍କ ଠାରୁ କମ୍ ଦରରେ ପରିବା କିଣି ଚଢ଼ାଦରରେ ବିକ୍ରି କରୁଛନ୍ତି। କେବଳ ଭେଣ୍ଡି, କଖାରୁ ବ୍ୟତୀତ ଅନ୍ୟ ସବୁ ପରିବା ଦର ୫୦ ରୁ ୬୦ ଟଙ୍କା ରେ ବିକ୍ରି ହେଉଛି କରୋନା କଟକଣା ନେଇ ଅପର ବସ୍ ଷ୍ଟାଣ୍ଡ ଓ କୋର୍ଟ ଷ୍ଟେଶନ ନିକଟରେ ୫୦ ରୁ ଊର୍ଦ୍ଧ୍ୱ ପରିବା ଦୋକାନ ରହିଛି ତଥାପି ମଧ୍ୟ ଦର ଆକାଶ ଛୁଆଁ ରହିଛି।
ଅପରପକ୍ଷରେ ଗାର୍ଲସ ହାଇ ସ୍କୁଲରେ କେତେକ ପରିବା ବିକ୍ରି କରୁଥିବାବେଳେ ଶୁକ୍ରବାର ଛତ୍ରପୁର ଏନ୍ଏସି ପକ୍ଷରୁ ତାଙ୍କୁ ସେଠାରୁ ହଟାଯାଇଛି। ଅପର ବସ ଷ୍ଟାଣ୍ଡ ଓ କୋର୍ଟ ଷ୍ଟେଶନ ନିକଟରେ ହିଁ ପରିବା ବିକ୍ରି କରିବାକୁ କୁହାଯାଇଛି। ପଞ୍ଚ ସୂତ୍ର ନିୟମ ମାନିବାକୁ ବାଧ୍ୟ ଏହାର ଖିଲାପ କଲେ କାର୍ଯ୍ୟାନୁଷ୍ଠାନ ହେବ ବୋଲି ସତର୍କ କରାଯାଇଥିଲା।