ଛତ୍ରପୁର, ୭।୯(ଡି.ଏନ୍.ଏ.): ଖରିଫ ଧାନ ସଂଗ୍ରହ ନିମନ୍ତେ ଚାଷୀଙ୍କର ପଞ୍ଜିକରଣ କାର୍ଯ୍ୟକୁ ମିଶନ ମୋଡରେ କରିବା ସକାଶେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଗତ ୨୯.୦୮.୨୦୨୦ରିଖ ବୈଠକରେ ଯୋଗାଣ ବିଭାଗ ଓ ସମବାୟ ବିଭାଗୀୟ ଅଧିକାରୀମାନଙ୍କୁ ଜଣାଇଥିଲେ। ଗତ ବର୍ଷ ଖରିଫ ଧାନ ନିମନ୍ତେ ୧ଲକ୍ଷ ୩୪ ହଜାର ୪୬୨ ଜଣ ଚାଷୀ ପଞ୍ଜିକରଣ କରିଥିଲେ। କରୋନା ପରିସ୍ଥିତି ଯୋଗୁ ଶତକଡ଼ା ୭୭ ପ୍ରତିଶତ ଚାଷୀଙ୍କର ପଞ୍ଜିକରଣ ହୋଇଥିଲା । ବର୍ତ୍ତମାନ ସମସ୍ତ ବିଭାଗୀୟ କର୍ମଚାରୀ ଓ ଅଧିକାରୀ ମାନଙ୍କର ଅହରହ ପ୍ରଚେଷ୍ଟା ଫଳରେ ଜିଲାର ସମସ୍ତ ବ୍ଲକରେ ୧ ଲକ୍ଷ ୩୩ ହଜାର ୯୭୬ ଜଣ ଚାଷୀ ପଞ୍ଜିକରଣ କରିସାରିଛନ୍ତି । ଯାହାକି ଶତକଡା ୯୯.୬୪ ପ୍ରତିଶତ। ସମସ୍ତ ପଞ୍ଜିକରଣ ଚାଷୀ ମାନଙ୍କର ତାଲିକା ସେମାନଙ୍କ ନିକଟସ୍ଥ ସେବା ସମବାୟ ସମିତି ମାନଙ୍କରେ ଉପଲବ୍ଧ କରାଯାଉଛି। ଯାହାକି ଚାଷୀମାନେ ସେମାନଙ୍କ ନାମ ତାଲିକା ଦେଖି ପାରୁଛନ୍ତି। ଶତପ୍ରତିଶତ ଚାଷୀମାନଙ୍କର ପଞ୍ଜିକରଣ ଯେପରି ହୋଇପାରିବ ସେଥି ସକାଶେ ମୁଖ୍ୟ ଜିଲା ଯୋଗାଣ ଅଧିକାରୀ ଉମା ଶଙ୍କର ପତି, ଅତିରିକ୍ତ ଯୋଗାଣ ଅଧିକାରୀ ବ୍ରଜେନ୍ଦ୍ର କୁମାର ମହାନ୍ତି. ଯୋଗାଣ ଅଧିକାରୀ ପୁଷ୍ପା ମୁଣ୍ଡା, ସମବାୟ ଉପ ନିବନ୍ଧକ ବ୍ରହ୍ମପୁର ଡିଭିଜନ ବିଶ୍ବ ରଞ୍ଜନ ଦାଶ, ସହକାରୀ ସମବାୟ ଉପ ନିବନ୍ଧକ ସୁକାନ୍ତ କୁମାର ପାଢୀ ପ୍ରମୁଖ ଚେଷ୍ଟା ଚଳାଇଛନ୍ତି ।
