ଛତ୍ରପୁର,୧୭ା୮(ଡି.ଏନ.ଏ.)-ଗଞ୍ଜାମ ଜିଲାରେ କରୋନା ପଜିଟିଭ୍ଙ୍କ ସଂଖ୍ୟା ୧୫ହଜାର ଟପିଛି। ଛତ୍ରପୁରସ୍ଥିତ ଜିଲା କୋଭିଡ୍ ସେଲ୍ ପକ୍ଷରୁ ସୋମବାର ଦିଆଯାଇଥିବା ଅନୁସାରେ ୨୪୩ ପଜିଟିଭ୍ ଚିହ୍ନଟ ହୋଇଥିବା ବେଳ ସେଥିରେ ୮ କରୋନା ଯୋଦ୍ଧା, ଜଣେ ଅନ୍ୟ ରାଜ୍ୟରୁ ଫେରି ଏବଂ ୨୩୪ ଅନ୍ୟ ପଜିଟିଭ୍ଙ୍କ ସଂସ୍ପର୍ଶରେ ଆସି ସଂକ୍ରମିତ ରହିଛନ୍ତି ା ଅପରପକ୍ଷରେ ୩୫୫ ସୁସ୍ଥ ହୋଇଛନ୍ତି ା ବ୍ରହ୍ମପୁର ମହାନଗର ନିଗମ ଓ ଛତ୍ରପୁର ଏନ୍ଏସିରେ ନୂଆ ଆକ୍ରାନ୍ତଙ୍କ ସଂଖ୍ୟା ସୋମବାର ମଧ୍ୟ ଅଧିକ ରହିଛି। ବ୍ରହ୍ମପୁର ମହାନଗର ନିଗମରେ ୩୨ ଓ ଛତ୍ରପୁର ଏନ୍ଏସିରେ ୨୨ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି। ଉକ୍ତ ଅଞ୍ଚଳରେ ପରୀକ୍ଷା ବୃଦ୍ଧି କରାଯାଇଥିବାରୁ ପଜିଟିଭ୍ଙ୍କ ସଂଖ୍ୟା ବଢିଛି । ଏଥିପାଇଁ କୌଣସି ଭୟଭୀତ ହେବାର ନାହିଁ ବୋଲି କୁହାଯାଇଛି ା ବତ୍ତର୍ର୍ମାନ ସୁଦ୍ଧା ଜିଲାରେ ୧୫ ହଜାର ୧୦ ଆକ୍ରାନ୍ତ ହୋଇଛନ୍ତି ା ସେଥିରୁ ୧୨ ହଜାର ୬୯୬ ସୁସ୍ଥ ହେଲେଣି ା କରୋନାରେ ଜିଲାର ୧୫୫ ଜଣଙ୍କ ଜୀବନ ଯାଇଥିବାବେଳେ ଏବେ ୨ ହଜାର ୧୫୯ ଆକ୍ରାନ୍ତଙ୍କ ଚିକିତ୍ସା ଚାଲିଥିବା ଜିଲାପାଳ ବିଜୟ ଅମୃତା କୁଲାଙ୍ଗେ ସୋମବାର ଟୁଇଟ୍ କରି ସୂଚନା ଦେଇଛନ୍ତିି ା ଲକ୍ଷଣ ଲୁଚାନ୍ତୁ ନାହିଁ ବୋଲି ସେ ଜନସାଧାରଣଙ୍କୁ ଅନୁରୋଧ କରିଛନ୍ତି। କୋଭିଡ୍ ସେଲ୍ ପକ୍ଷରୁ କୁହାଯାଇଛି, ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ମଧ୍ୟରୁ ୮୩.୫ ପ୍ରତିଶତ ସୁସ୍ଥ ହୋଇଥିବା ବେଳେ ୧୫.୩୮ ପ୍ରତିଶତଙ୍କ ଚିକତ୍ସା ଚାଲିଛି। ଜିଲାରେ କରୋନାରେ ୧.୦୫ ପ୍ରତିଶତଙ୍କ ମୃତ୍ୟୁ ହୋଇଛି ା କରୋନା ଯୋଦ୍ଧା ତଥା ପୁରୁଷୋତ୍ତମପୁର ବ୍ଲକ ଭାଟକୁମରଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପୂର୍ବତନ ସୁପରିଣ୍ଟେଣ୍ଡେଣ୍ଟ ଡାକ୍ତର ବି.କ୍ରିଷ୍ଣା କୋଭିଡ୍-୧୯ କାର୍ଯ୍ୟ କରୁଥିବାବେଳେ ତାଙ୍କର ଜୀବନ ଯାଇଛି ା ତାଙ୍କ ସହ ଜିଲା ପ୍ରଶାସନ ରହିଛି ବୋଲି ଟୁଇଟ୍ କରି ଜିଲାପାଳ କହିଛନ୍ତି ା କୋଭିଡ୍ରେ ସାମିଲ ଥିବା ଅନ୍ୟମାନଙ୍କ ପାଇଁ ସେ ଉଦାହରଣ ପାଲଟିଛନ୍ତି। ଜିଲାପାଳ ଏନେଇ ଶୋକ ପ୍ରକାଶ କରିବା ସହ ତାଙ୍କ ପରିବାର ବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ା ସାମାଜିକ ଦୂରତା ଓ ଅନ୍ୟ କୋଭିଡ୍ ନିୟମ ପାଳନ କରିବାକୁ ଜନସାଧାରଣଙ୍କୁ ଜିଲାପାଳ ଅନୁରୋଧ କରିଛନ୍ତି ା ଏହି ନିୟମ ପାଳନ କଲେ କୋଭିଡ୍ ଯୁଦ୍ଧ ଲଢିବା ପାଇଁ ଆମର ଯୋଦ୍ଧାଙ୍କୁ ସହାର୍ଯ୍ୟ କରିବ ବୋଲି ସେ କହିଛନ୍ତିି ା