ଛତ୍ରପୁର,୨୭ା୮(ଡି.ଏନ.ଏ)-ଗଞ୍ଜାମ ଜିଲାରେ କରୋନା ଟେଷ୍ଟ ୨ ଲକ୍ଷ ଟପିଛି। ଜିଲାରେ ଘରକୁ ଘର ଯାଇ ସମସ୍ତଙ୍କ ସ୍ବାସ୍ଥ୍ୟ ସ୍କ୍ରିନିଂ କରାଯାଉଛି ା ଏଥିପାଇଁ ଦିନକୁ ଦିନ ଟେଷ୍ଟ ବୃଦ୍ଧି ପାଉଛି ା କରୋନା ପଜିଟିଭଙ୍କୁ ଚିହ୍ନଟ କରିବାରେ ଏହା ସହାୟକ ହେଉଛି। ପରେ ସେମାନଙ୍କ ଚିକିତ୍ସା କରାଯାଉଛି ା ଜିଲାର ସମସ୍ତ ବିଡିଓଙ୍କ ଟିମ୍ ଓ ଏଲଟି ଟିମ୍ ଭଲ କାମ କରିଥିବାରୁ ଜିଲାପାଳ ବିଜୟ ଅମୃତା କୁଲାଙ୍ଗେ ଗୁରୁବାର ଟୁଇଟ୍ କରି ସେମାନଙ୍କୁ ଧନ୍ୟବାଦ ଦେଇଛନ୍ତି।
ସେହିପରି ଜିଲାରେ ବର୍ତ୍ତମାନ ସୁଦ୍ଧା ୨ ଲକ୍ଷ ୬ ହଜାର ୨୧୯ ଜଣଙ୍କ କରୋନା ଟେଷ୍ଟ ହୋଇଛି ା ସେଥିମଧ୍ୟରେ ୧ ଲକ୍ଷ ୬୬ ହଜାର ୮୮୩ ରାପିଡ୍ ଆଣ୍ଟିଜେନ୍ ଟେଷ୍ଟ ଓ ୩୯ ହଜାର ୩୩୬ ଆରଟି-ପିସିଆର୍ ଟେଷ୍ଟ ରହିଛି ା ବୁଧବାର ଜିଲାରେ ୯,୫୫୦ ଜଣଙ୍କ କରୋନା ଟେଷ୍ଟ ହୋଇଛି ା ଦୈନିକ ପଜିଟିଭ୍ ରେଟ୍ ୧.୮୫ ପ୍ରତିଶତ ରହିଥିବା ବେଳେ ସମୁଦାୟ ପଜିିଟିଭ୍ ରେଟ୍ ୮.୩୦ ପ୍ରତିଶତ ରହିଥିବା ଜିଲାପାଳ ସୂଚନା ଦେଇଛନ୍ତି। ବର୍ତ୍ତମାନ ସୁଦ୍ଧା ପ୍ଲାଜମା ଦାନ ପାଇଁ ଜିଲାରେ ୪୭୨ ଜଣ ଚିହ୍ନଟ ହୋଇ ଥିବା ଜିଲାପାଳ ଆଉ ଏକ ଟୁଇଟ୍ରେ ସୂଚନା ଦେଇଛନ୍ତି।