ବେଜିଂ,୯।୧ : ଚାଇନାରେ କରୋନା ମହାମାରୀ ଯୋଗୁଁ ଅବସ୍ଥା ଅଣାୟତ୍ତ ହେବାରେ ଲାଗିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଜନସଂଖ୍ୟା ଦୃଷ୍ଟିରୁ ଚାଇନାର ତୃତୀୟ ବୃହତ୍ତମ ପ୍ରଦେଶ ହେନାନରେ ୯୦ ପ୍ରତିଶତ ଲୋକ କରୋନାରେ ଆକ୍ରାନ୍ତ ହୋଇଛନ୍ତି। କେନ୍ଦ୍ରୀୟ ହେନାନ ପ୍ରଦେଶର ସ୍ବାସ୍ଥ୍ୟ ଆୟୋଗର ନିର୍ଦ୍ଦେଶକ କାନ କ୍ୱାନଚେଙ୍ଗ କହିଛନ୍ତି ଯେ ୬ ଜାନୁୟାରୀ ୨୦୨୩ ସୁଦ୍ଧା ତାଙ୍କ ରାଜ୍ୟର ୮୯ ପ୍ରତିଶତ ଲୋକ କରୋନା ଦ୍ୱାରା ପ୍ରଭାବିତ ହୋଇଥିଲେ। ଏବେ ଏହି ସଂଖ୍ୟା ପୁଣି ବଢ଼ିଛି
ଚାଇନାର ହେନାନ ପ୍ରଦେଶର ଜନସଂଖ୍ୟା ପ୍ରାୟ ୯୯ ନିୟୁତ। ବର୍ତ୍ତମାନ ସୁଦ୍ଧା ୮୮ ନିୟୁତ ଜନସଂଖ୍ୟା କରୋନାରେ ଆକ୍ରାନ୍ତ ହୋଇଛନ୍ତି। କାନ କୁଆଚେଙ୍ଗ କହିଛନ୍ତି ଯେ ଡିସେମ୍ବର ମଧ୍ୟଭାଗରେ ଡାକ୍ତରଖାନାକୁ ଯାଉଥିବା ଲୋକଙ୍କ ସଂଖ୍ୟା ସର୍ବାଧିକ ଥିଲା କିନ୍ତୁ ସେବେଠାରୁ ସାମାନ୍ୟ ହ୍ରାସ ପାଇଛି।
