ଉତ୍ତରପ୍ରଦେଶ ସମ୍ଭଲ ଜିଲାର ଜୀବନରେଖା କୁହାଯାଉଥିବା ସୋତ୍ ନଦୀର ପ୍ରାକୃତିକ ଧାରା ବନ୍ଦ ହୋଇଯାଇଥିଲା। ଏହା ଉପରେ ନିର୍ଭର କରୁଥିବା ଲୋକମାନେ ଅସୁବିଧାର ସମ୍ମୁଖୀନ ହେଉଥିଲେ। ଏହାର ସମାଧାନ କରିବାକୁ ଯାଇ ଆଇଏଏସ୍ ଅଧିକାରୀ ତଥା ସମ୍ଭଲ ଜିଲାର ପୂର୍ବତନ ଜିଲାପାଳ ମନିଷ ବନ୍ସଲ ୬ ମାସ ମଧ୍ୟରେ ସୋତ୍ ନଦୀର ପୁନରୁଦ୍ଧାର କରିପାରିଛନ୍ତି। ସେ ତାଙ୍କ କର୍ମଚାରୀ ଓ ସ୍ଥାନୀୟ ଲୋକଙ୍କ ସହଯୋଗରେ ଏହି କାର୍ଯ୍ୟ ସମ୍ପାଦନ କରିପାରିଛନ୍ତି। ନଦୀର ୧୧୦ କିମି ଯାଏ ଜବରଦଖଲ ଦୂର କରାଯିବା ଯୋଗୁ ଏବେ ଜଳ ପ୍ରବାହ ସ୍ବାଭାବିକ ହୋଇପାରିଛିି ଏବଂ ଏହାର ତଟରେ ରହୁଥିବା ଗ୍ରାମବାସୀ ଉପକୃତ ହେଉଛନ୍ତି। ସୋତ୍ ନଦୀ ଗଙ୍ଗାରୁ ବାହାରିଛି ଓ ୭୧ ଗ୍ରାମପଞ୍ଚାୟତ ଦେଇ ପ୍ରବାହିତ ହେଉଛି। କିନ୍ତୁ ଜବରଦଖଲ ଯୋଗୁ ଏହାର ପ୍ରାକୃତିକ ସ୍ରୋତ ବନ୍ଦ ହୋଇଯାଇଥିଲା। ଜିଲାପାଳ ତାହାର ସର୍ଭେ କରାଇ ଡିସେମ୍ବର ୨୦୨୨େରେ କାମ ଆରମ୍ଭ କରିଥିଲେ ଓ ୨୦୨୩ ଜୁନରେ ଶେଷ କରିଥିଲେ। ତେବେ ଜୁନ ୨୦୨୪ରେ ଶାହାରଙ୍ଗପୁର ଜିଲାପାଳ ଭାବେ ତାଙ୍କୁ ବଦଳି କରାଯିବା ପରେ ଜିଲାର ଡେଭଲପ୍ମେଣ୍ଟ ଅଧିକାରୀ ନଦୀଶଯ୍ୟା ଜବରଦଖଲ ଉପରେ ନଜର ରଖୁଛନ୍ତି।