Sad man sitting head in hands sitting in the dark with low light environment.
ନୂଆଦିଲ୍ଲୀ,୨୯।୧୦: ଜାତୀୟ ଅପରାଧ ରେକର୍ଡ ବ୍ୟୁରୋ ଏକ ବଡ଼ ଖୁଲାସା କରିଛି। ୨୦୧୯ ତୁଳନାରେ ୨୦୨୦ରେ ଦେଶରେ ଆତ୍ମହତ୍ୟା ସଂଖ୍ୟା ବୃଦ୍ଧି ପାଇଛି। ଏନସିଆରବି ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ୨୦୨୦ରେ ଦେଶରେ ୧,୫୩,୦୫୨ ଲୋକ ଆତ୍ମହତ୍ୟା କରିଥିବାବେଳେ ୨୦୧୯ରେ ଏହି ସଂଖ୍ୟା ୧,୩୯,୧୨୩ ଥିଲା। ୨୦୧୯ ତୁଳନାରେ ଆତ୍ମହତ୍ୟା ହାର ୧୦.୪ ରୁ ୧୧.୩କୁ ବୃଦ୍ଧି ପାଇଛି। ସରକାରୀ ତଥ୍ୟ ଅନୁଯାୟୀ, ୨୦୨୦ରେ ଦେଶରେ ପ୍ରତିଦିନ ୪୧୮ ଲୋକ ଆତ୍ମହତ୍ୟା କରିଛନ୍ତି।
ଗୃହ ମନ୍ତ୍ରଣାଳୟ ଅନୁଯାୟୀ, ମହାରାଷ୍ଟ୍ରରେ ଦେଶରେ ଆତ୍ମହତ୍ୟା ସର୍ବାଧିକ। ଏଠାରେ ୧୯,୯୦୯ ଲୋକ ନିଜ ଜୀବନ ଦେଇଥିଲେ। ଏଥି ସହିତ ତାମିଲନାଡୁରେ ୧୬,୮୮୩ ଜଣ, ମଧ୍ୟପ୍ରଦେଶରେ ୧୪,୫୭୮, ପଶ୍ଚିମବଙ୍ଗରେ ୧୩,୧୦୩ ଏବଂ କର୍ନାଟକରେ ୧୨,୨୫୯ ଜଣ ଆତ୍ମହତ୍ୟା କରିଛନ୍ତି। ଏନସିଆରବି ତଥ୍ୟ ଅନୁଯାୟୀ ଦେଶର ମୋଟ ଆତ୍ମହତ୍ୟା ମଧ୍ୟରୁ ୫୦.୧ ପ୍ରତିଶତ ଲୋକ କେବଳ ଏହି ପାଞ୍ଚଟି ରାଜ୍ୟରେ ଜୀବନ ଦେଇଛନ୍ତି। ଅବଶିଷ୍ଟ ୪୯.୯ ପ୍ରତିଶତ ଆତ୍ମହତ୍ୟା ଅନ୍ୟ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ଘଟିଛି। ପରିସଂଖ୍ୟାନ ଅନୁଯାୟୀ ଦେଶର ଜନସଂଖ୍ୟା ଦୃଷ୍ଟିରୁ ସବୁଠୁ ବଡ ରାଜ୍ୟ ଉତ୍ତରପ୍ରଦେଶରେ କେବଳ ୩.୧ ଲୋକ ଆତ୍ମହତ୍ୟା କରିଛନ୍ତି। ଏହା ବ୍ୟତୀତ ଦିଲ୍ଲୀରେ ୩,୧୪୨ ଜଣ ଆତ୍ମହତ୍ୟା କରିଛନ୍ତି।
ରିପୋର୍ଟରେ କୁହାଯାଇଛି ଯେ ୨୦୨୦ରେ ଦେଶରେ ଆତ୍ମହତ୍ୟା କରିଥିବା ମୋଟ ୫୬.୭ ପ୍ରତିଶତ ଲୋକ ପାରିବାରିକ ସମସ୍ୟା (୩୩.୬ ପ୍ରତିଶତ), ବିବାହ ସମ୍ବନ୍ଧୀୟ ସମସ୍ୟା (ପାଞ୍ଚ ପ୍ରତିଶତ) ଏବଂ କିଛି ରୋଗ (୧୮ ପ୍ରତିଶତ) କାରଣରୁ ପ୍ରାଣ ହରାଇଛନ୍ତି।