ମୁମ୍ବାଇ: ବର୍ଷା ଋତୁ କାହାକୁ ପସନ୍ଦ ନୁହେଁ କହିଲେ। ମୟୂର ମଧ୍ୟ ଆକାଶରେ କଳାହାଣ୍ଡିଆ ମେଘ ଦେଖି ଖୁସିରେ ନାଚି ଉଠେ। ଏଥିରୁ ଅଭିନେତ୍ରୀ ବା ବାଦ୍ ଯିବେ କିପରି। ସୁନ୍ଦରୀ ଅଭିନେତ୍ରୀ ସୁସ୍ମିତା ସେନ୍ ବର୍ଷାର ମଜା ନେଇଛନ୍ତି। ସୋସିଆଲ ମିଡିଆରେ ଫଟୋ ଶେୟାର କରି ଏଥିରେ ସେ କ୍ୟାପଶନ ଲେଖିଛନ୍ତି, #rains #flowoflife #carefree #abandonment ଏବଂ ଶିବଙ୍କ ଧୂନ୍ରେ ଡ୍ୟାନ୍ସ କରିଛନ୍ତି।
ଚାରିପଟେ ସବୁଜ ଘେରା ପାହାଡ଼ ମଝିରେ ସୁସ୍ମିତା ଫଟୋ ଶେୟାର କରି ଲେଖିଛନ୍ତି, ଭାଗ୍ୟଶାଳୀ। ଏହାକୁ ମୁଁ ଖୋଜୁ ନାହିଁ ଅନୁଭବ କରୁଛି। ଭଲ ମନ୍ଦ ପ୍ରତି ମୁହୂର୍ତ୍ତରେ ଲାଗିରହିଛି। ମୁଁ ଜୋର୍ ଦେଇ କହିବି ମୁଁ ସୌଭାଗ୍ୟବତୀ।
ସୁସ୍ମିତାଙ୍କ ଏହି ଫଟୋକୁ ତାଙ୍କ ବନ୍ଧୁ ଏବଂ ପ୍ରଶଂସକମାନେ ବହୁତ ପ୍ରଶଂସା କରୁଛନ୍ତି। ପ୍ରକୃତି ନିକଟରେ ସୁସ୍ମିତା ଖୁବ୍ ସୁନ୍ଦର ଦିଶୁଛନ୍ତି। ଫଟୋରୁ ଜଣାପଡୁଛି ଅଭିନେତ୍ରୀ କେଉଁ ଏକ ପାହାଡ଼ିଆ ଅଞ୍ଚଳର ମନୋରମ ଦୃଶ୍ୟକୁ ମନ ଭରି ଉପଭୋଗ କରୁଛନ୍ତି।