ଲକ୍ଷ୍ନୌ, ୫।୧୧: ମାଫିଆ ମୁଖତାର ଅଂସାରୀଙ୍କ ବିଧାୟକ ପୁଅ ଅବ୍ୱାସ ଅଂସାରୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଶୁକ୍ରବାର ବିଳମ୍ବିତ ରାତିରେ ଗିରଫ କରିଛି । ଇଡି ତା’ର ପ୍ରୟାଗରାଜ ଅଫିସରେ ଅବ୍ୱାସଙ୍କୁ ପ୍ରାୟ ୯ ଘଣ୍ଟାଧରି ପଚରା ଉଚରା କରିଥିଲା । ମୁଖତାର ଅଂସାରୀଙ୍କ ନାମରେ ଦାଖଲ କରାଯାଇଥିବା ମନି ଲଣ୍ଡରିଂ ମାମଲରେ ଇଡି ତାଙ୍କ ବୟାନ ରେକର୍ଡ କରିବାକୁ ଡାକିଥିଲା । ମୁଖତାର ଭାଇ ଅଫଜାଲ ଅଂସାରୀଙ୍କ ବୟାନ ରେକର୍ଡ କରିବା ପରେ ଅବ୍ୱାସ ଅଂସାରୀଙ୍କ ସହ ଦ୍ୱିତୀୟ ରାଉଣ୍ଡ ପଚରାଉଚରା ଆରମ୍ଭ କରାଯାଇଛି । ଆଉ ଏହାପରେ ତାଙ୍କୁ ଗିରଫ କରାଯାଇଛି ।
ସୂଚନାଯେରାଗ୍ୟ, ୨୦୨୧ରେ ମୁଖତାର ଅଂସାରୀଙ୍କ ବିରୋଧରେ ମନି ଲଣ୍ଡରିଂ ମାମଲା ଦାୟର କରାଯାଇଥିଲା । ଏହାପରେ ଇଡି ମୁଖତାରଙ୍କ ଭାଇ ଓ ବିଏସପି ନେତା ତଥା ଏମପି ଅଫଜାଲ ଅଂସାରୀଙ୍କୁ ଚଳିତ ବର୍ଷ ମେ ୯, ପୁଣି ମୁଖତାରଙ୍କ ବଡ ଭାଇ ସିବଗତୁଲ୍ଲାହ ଅଂସାରୀ ଓ ବିଧାୟକ ପୁତୁରା ଶୋଏବ ଅଂସାରୀଙ୍କୁ ୧୦ ମେ ଓ ଅବ୍ୱାସ ଅଂସାରୀ ଓ ସାନ ପୁଅ ଉମର ଅଂସାରୀଙ୍କୁ ୨ମେ’ରେ ପଚରାଉଚରା କରିଥିଲା ।
