ଭୁବନେଶ୍ୱର,୧୦।୧- ରାଜ୍ୟରେ ରବିବାର ଆଉ ୨୪୦ କରୋନା ଆକ୍ରାନ୍ତ ଆରୋଗ୍ୟ ଲାଭ କରିଛନ୍ତି। ଏଥିସହିତ ରାଜ୍ୟରେ ସୁସ୍ଥ ହୋଇଥିବା କରୋନା ଆକ୍ରାନ୍ତଙ୍କ ସଂଖ୍ୟା ୩,୨୮,୦୪୩ରେ ପହଞ୍ଚିଛି। ସମ୍ବଲପୁର ଜିଲାରୁ ସର୍ବାଧିକ ୩୫ ଜଣ ଆରୋଗ୍ୟ ଲାଭ କରିଥିବାବେଳେ ସୁନ୍ଦରଗଡ଼ରୁ ୩୧, ଖୋର୍ଦ୍ଧାରୁ ୨୦, ଅନୁଗୁଳରୁ ୧୮, ବଲାଙ୍ଗୀରରୁ ୧୭, କଟକରୁ ୧୫, ବରଗଡ଼ ଓ ଯାଜପୁରରୁ ୧୪, ଝାରୁସୁଗୁଡ଼ା ଓ କେନ୍ଦୁଝରରୁ ୧୦, କେନ୍ଦ୍ରପଡ଼ା ଓ ପୁରୀରୁ ୯, ବାଲେଶ୍ୱରରୁ ୫, ଗଞ୍ଜାମ, ମୟୂରଭଞ୍ଜ ଓ ନୂଆପଡ଼ାରୁ ୪, ଭଦ୍ରକ ଓ କଳାହାଣ୍ଡିରୁ ୩, ଗଜପତି ଓ ରାୟାଗଡ଼ାରୁ ୨, ବୌଦ୍ଧ, ଜଗତ୍ସିଂହପୁର, କନ୍ଧମାଳ, ନବରଙ୍ଗପୁର, ନୟାଗଡ଼ ଓ ସୋନପୁରରୁ ଜଣେ ଏବଂ ଷ୍ଟେଟ୍ ପୁଲରୁ ୫ ଜଣ ସୁସ୍ଥ ହୋଇଛନ୍ତି। ଏ ନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି।
