ଭୁବନେଶ୍ୱର, ୧୪।୬(ବ୍ୟୁରୋ) : ରଜରେ ପାନର ଭିନ୍ନ ଏକ ସ୍ବତନ୍ତ୍ରତା ରହିଛି। ପୋଡ଼ପିଠା ବିନା ଯେପରି ରଜ ଅଧୁରା, ପାନ ବିନା ସେପରି ଫିକା । ବର୍ଷସାରା ପାନ ଠାରୁ ଯେତେ ଦୂରେଇ ରହିଲେ ବି ରଜ ତିନିଦିନ ପାଇଁ ସବୁ ମାଫ୍। ପାନ ଖାଇ ପାଟି ନାଲି କରିବାକୁ ଝିଅମାନଙ୍କୁ ଏହି ଦିନରେ ଅନୁମତି ମିଳିଯାଏ। ତେଣୁ ରଜରେ ପାନର ଚାହିଦା ବଢ଼ିଯାଏ। ଏହାକୁ ଦୃଷ୍ଟିରେ ରଖି ପାନ ବ୍ୟବସାୟୀଙ୍କ ପକ୍ଷରୁ ବିଭିନ୍ନ ପାନର ବ୍ୟବସ୍ଥା କରାଯାଇଛି। ଏହି ଦୌଡ଼ରେ ସାମିଲ ହୋଇଛି ଶହୀଦ ନଗର ବନାରସ ପାନ ଭଣ୍ଡାର। ଦିଲ୍ଖୁସ୍ ପାନ, ଦିଲ୍ବାହାର, ଦିଲ୍ ଦିଓ୍ବାନା, ବଣ୍ଟି ବବ୍ଲି ପାନ, ଲଭର୍ସ ଗିଫ୍ଟ, ଡାଏଟ୍ ପାନ, ମଲାଇ ପାନ, ପାନ ସେକ୍, ପାନ ଲସି ଠାରୁ ଆରମ୍ଭ କରି ବିଭିନ୍ନ ଫ୍ଲେଭରର ପାନ ଯଥା ଷ୍ଟ୍ରବେରୀ ଫ୍ଲେବର, ଚକୋଲେଟ୍ ଫ୍ଲେବର, ଅରେଞ୍ଜ ଫ୍ଲେବର, ପିଲାଙ୍କ ପାଇଁ ଚକୋଜ୍ ପାନ, କିଟ୍କାଟ ପାନ, ଚୁସ୍କି ପାନ, ଓରିଓ ପାନ, ଲଡୁ ମିଠାଇ ପାନ ଓ ବିଭିନ୍ନ ଡ୍ରିମ୍ ନାଇଟ୍ ପାନ ଭଳି ୧୩୪ ପ୍ରକାରରୁ ଊର୍ଦ୍ଧ୍ୱ ପାନ ଏଠାରେ ମିଳୁଛି। ଚଳିତ ଥର ଗ୍ରାହକଙ୍କ ଲାଗି ଆସିଛି ‘ମ୍ୟାଜିକ୍ ପାନ’। ଏଗୁଡ଼ିକର ଦାମ୍ ୨୦ଟଙ୍କା ଠାରୁ ଆରମ୍ଭ ହୋଇ ୧୧୧୧ ଟଙ୍କା ପର୍ଯ୍ୟନ୍ତ ରହିଛି। ସେହିଭଳି ଟ୍ରାଡ଼ିସିନାଲ୍ ଗିଫ୍ଟ ପ୍ୟାକ୍ରେ ରଜ କର୍ପୋରେଟ ଗିଫ୍ଟ, ରଜଓ୍ବାଡ଼ି ବାସ୍କେଟ, ସିଲ୍କ୍ ପାନ ବାସ୍କେଟ, ଅଲ୍ଓ୍ବେଜ୍ ଫରଏଭର୍, ଫାର୍ଷ୍ଟ ନାଇଟ୍ ପାନ ଭଳି ଗିଫ୍ଟ ପ୍ୟାକ୍ ରହିଛି। ଗୋଟିଏ କ୍ଲିକ୍ରେ କିପରି ଘରେ ବସି ଭେରାଇଟି ପାନର ମଜା ନେଇ ପାରିବେ, ସେ ନେଇ ଅନ୍ଲାଇନ୍ର ବ୍ୟବସ୍ଥା କରାଯାଇଛି ବୋଲି ବନରସ ପାନ ଭଣ୍ଡାରର ମାଲିକ ରମାକାନ୍ତ ସେନାପତି କହିଛନ୍ତି। ସ୍ବିଗି, ଉପହାର ଡଟ୍ କମ୍, ମୋ ବିବିଏସ୍ଆର୍ ଏବଂ www.banarasipanbhandar.com ମାଧ୍ୟମରେ ଗ୍ରାହକ ପାନ ପାଇଁ ଅର୍ଡର କରି ପାରିବେ।