ନୂଆଦିଲ୍ଲୀ, ୧୫।୮ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଲାଲ କିଲ୍ଲାରୁ ନବମ ଥର ପାଇଁ ଦେଶକୁ ସମ୍ବୋଧିତ କରିଛନ୍ତି। ୭୬ ତମ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ଲାଲ କିଲ୍ଲାରେ ଜାତୀୟ ପତାକା ଉତ୍ତୋଳନ କରି ୮୩ ମିନିଟ ପାଇଁ ଦେଶକୁ ସମ୍ବୋଧିତ କରିଥିଲେ। ନିଜ ଭାଷଣରେ ପ୍ରଧାନମନ୍ତ୍ରୀ ଦେଶ ବିକାଶଠାରୁ ଆରମ୍ଭ କରି ବିରୋଧୀଙ୍କୁ ଟାର୍ଗେଟ କରିଛନ୍ତି।
ଏହାପୂର୍ବରୁ, ୨୦୨୧ରେ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ୮୮ ମିନିଟ ଭାଷଣ ଦେଇଥିଲେ। ୨୦୧୪ ରେ, ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ୧୬୫ ମିନିଟ ପାଇଁ ଦେଶକୁ ସମ୍ବୋଧିତ କରିଥିଲେ।
୨୦୧୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୮୬ ମିନିଟର ଭାଷଣ ଦେଇ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ରେକର୍ଡ ଭାଙ୍ଗିଥିଲେ। ନେହେରୁ ୧୯୪୭ରେ ଲାଲ୍ କିଲ୍ଳାରୁ ୭୨ ମିନିଟର ଲମ୍ବା ଭାଷଣ ଦେଇଥିଲେ।
ପ୍ରଧାନମନ୍ତ୍ରୀ ବର୍ତ୍ତମାନ ପର୍ଯ୍ୟନ୍ତ ଲାଲ୍ କିଲ୍ଲାରୁ ନଅ ଥର ଦେଶକୁ ସମ୍ବୋଧିତ କରିଛନ୍ତି। କେବଳ ଥରେ ସେ ଏକ ଘଣ୍ଟାରୁ କମ ସମୟ ପାଇଁ ଦେଶକୁ ସମ୍ବୋଧିତ କରିଥିଲେ। ୨୦୧୭ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀଙ୍କ ଭାଷଣ ଏକ ଘଣ୍ଟାରୁ କମ ୫୬ ମିନିଟ ଲମ୍ବା ଥିଲା । ଏହା ହେଉଛି ତାଙ୍କର ସବୁଠାରୁ ଛୋଟ ଭାଷଣ ।
ସେହିପରି ପ୍ରଧାନମନ୍ତ୍ରୀ ୨୦୧୬ରେ ୯୬ ମିନିଟ, ୨୦୧୮ରେ ୮୨ ମିନିଟ, ୨୦୧୯ ରେ ୯୩ ମିନିଟ, ୨୦୨୦ ରେ ୮୬ ମିନିଟର ଭାଷଣ ଲାଲ୍ କିଲ୍ଲାରୁ ଦେଇଥିଲେ।