ଦୁବାଇ,୨୯।୧୦: ପାକିସ୍ତାନର ଘାତକ ବୋଲରମାନେ ଟସ୍ ଜିତି ବ୍ୟାଟିଂ କରିଥିବା ଆଫଗାନିସ୍ତାନ ଦଳର ବିପର୍ଯ୍ୟୟ ଘଟାଇଥିଲେ। ଦଳ ଏକଦା ୧୨.୫ ଓଭରରେ ୭୬/୬ ଉଇକେଟ ହରାଇ ସାରିଥିଲା। ଏଭଳି ସଙ୍କଟଜନକ ସ୍ଥିତିରେ ଅଧିନାୟକ ମହମ୍ମଦ ନବି ଓ ଗୁଲବଦିନ ନାଏବଙ୍କ ଯୋଡ଼ି ଡେଥ୍ ଓଭରରେ ପାକିସ୍ତାନ ବୋଲରଙ୍କୁ କ୍ଷମା ଦେଇ ନ ଥିଲେ। ଦୁହେଁ ୭ମ ଉଇକେଟ ପାଇଁ ଯୋଡ଼ି ଥିଲେ ୭୧ ରନ୍। ତାହା ପୁଣି ୪୩ ବଲରେ। ଡେଥ ଓଭରରେ ପାକିସ୍ତାନ ବୋଲରଙ୍କୁ ଦୁହେଁ ୯ ଚୌକା ଓ ଏକ ଛକା ଲଗାଇଥିଲେ। ଦୁଇ ବ୍ୟାଟରଙ୍କ ପାଇଁ ଆଫଗାନିସ୍ତାନ (୬/୧୪୭) ସମ୍ମାନଜନକ ସ୍କୋରରେ ପହଞ୍ଚି ପାରିଥିଲା।