ମୁମ୍ବାଇ,୧୫।୩ : ଭାରତ ଏବଂ ଅଷ୍ଟ୍ରେଲିଆ ଦଳ ବର୍ତ୍ତମାନ ବର୍ଡର-ଗାଭାସ୍କର ଟ୍ରଫି ପରେ ଏକଦିବଦୀୟ ସିରିଜରେ ମୁକାବିଲା କରିବାକୁ ପ୍ରସ୍ତୁ ହେଉଛନ୍ତି। ମାର୍ଚ୍ଚ ୧୭ ଶୁକ୍ରବାରଠାରୁ ଦୁଇ ଦଳ ମଧ୍ୟରେ ତିନି ମ୍ୟାଚ ବିଶିଷ୍ଟ ଏକଦିବସୀୟ ସିରିଜ ଆରମ୍ଭ ହେବ। ପ୍ରଥମ ମ୍ୟାଚରେ ଉଭୟ ଦଳର ସବୁଠାରୁ ବଡ ପରିବର୍ତ୍ତନ ଅଧିନାୟକଙ୍କ ବିଷୟରେ ଘଟିଛି।
ପ୍ରଥମ ମ୍ୟାଚରେ ଟିମ୍ ଇଣ୍ଡିଆରେ ରୋହିତ ଶର୍ମା ଅନୁପସ୍ଥିତ ରହିବେ। ଏଭଳିସ୍ଥିତିରେ ଭାରତୀୟ ଦଳ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ଅଧିନାୟକତ୍ୱ କରିବେ। ଏଥି ସହିତ ଅଷ୍ଟ୍ରେଲିଆର ନିୟମିତ ଅଧିନାୟକ ପାଟ କମିନ୍ସଙ୍କୁ ଏହି ସମଗ୍ର ସିରିଜରୁ ବାଦ ଦିଆଯାଇଛି। ଫଳରେ କଙ୍ଗାରୁ ଦଳର କମାଣ୍ଡ ଷ୍ଟିଭ ସ୍ମିଥଙ୍କ ହାତରେ ରହିବ।
ଏହା ପ୍ରଥମ ଥର ହେବ ଯେ ହାର୍ଦ୍ଦିକ ପାଣ୍ଡ୍ୟା ଭାରତୀୟ ଏକଦିବସୀୟ ଦଳର ଅଧିନାୟକ ହେବେ। ଏପର୍ଯ୍ୟନ୍ତ ସେ ୧୧ ଟି-୨୦ ଅନ୍ତର୍ଜାତୀୟରେ ଭାରତ ପକ୍ଷରୁ ଅଧିନାୟକତ୍ୱ କରିଛନ୍ତି। ଅନ୍ୟପକ୍ଷରେ ଷ୍ଟିଭ ସ୍ମିଥ ୫ ବର୍ଷ ପରେ ଏକଦିବସୀୟରେ ଅଧିନାୟକ ନଜର ଆସିବେ। ସେ ୨୦୧୪ ରୁ ୨୦୧୮ ମଧ୍ୟରେ ଅଷ୍ଟ୍ରେଲିଆର ନିୟମିତ ଅଧିନାୟକ ରହିଆସିଥିଲେ।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତିନି ମ୍ୟାଚ ବିଶିଷ୍ଟ ଏକଦିବସୀୟ ସିରିଜର ପ୍ରଥମ ମ୍ୟାଚ ମାର୍ଚ୍ଚ ୧୭ ତାରିଖ ଅପରାହ୍ନ ସାଢ଼େ ଗୋଟାଏରେ ଆରମ୍ଭ ହେବ। ଏହି ମ୍ୟାଚ ମୁମ୍ବାଇର ୱାନଖେଡେ ଷ୍ଟାଡିୟମରେ ଖେଳାଯିବ। ଏହି ମ୍ୟାଚର ଲାଇଭ ଟେଲିକାଷ୍ଟ ଷ୍ଟାର ସ୍ପୋର୍ଟସ ନେଟୱାର୍କର ବିଭିନ୍ନ ଚ୍ୟାନେଲରେ କରାଯିବ। ମ୍ୟାଚର ଲାଇଭ ଷ୍ଟ୍ରିମିଂ ଡିଜନି ପ୍ଲସ ହଟଷ୍ଟାର୍ ଆପରେ ଉପଲବ୍ଧ ହେବ ।
ଭାରତୀୟ ଦଳ: ଇଶାନ କିଶନ, ଶୁବମାନ ଗିଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, କେ.ଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ରବିନ୍ଦ୍ର ଜାଡେଜା, ଆକ୍ସାର ପଟେଲ, ୟୁଜବେନ୍ଦ୍ର ଚହଲ, ଉମରନ ମଲିକ, ମହମ୍ମଦ ସିରାଜ, ଶର୍ଦ୍ଦୁଲ ଠାକୁର, କୁଲଦୀପ ଯାଦବ, ୱାଶିଂଟନ ସୁନ୍ଦର, ମହମ୍ମଦ ସାମି, ଶାର୍ଦ୍ଦୁଲ ଠାକୁର, ଜୟଦେବ ଉନାଦକର ।
ଅଷ୍ଟ୍ରେଲିୟ ଦଳ: ଡେଭିଡ ୱାର୍ନର, କ୍ୟାମେରନ ଗ୍ରୀନ, ଷ୍ଟିଭ ସ୍ମିଥ (ଅଧିନାୟକ), ଟ୍ରାଭିସ ହେଡ, ଗ୍ଲେନ ମ୍ୟାକ୍ସୱେଲ, ମାର୍କସ ସିଓନିସ, ଜୋସ ଇଂଲିସ, ମିଚେଲ ମାର୍ଶ, ଆଷ୍ଟନ ଅଗର, ଆଦାମ ଜାମ୍ପା, ନାଥାନ ଏଲିସ, ସଚନ ଆବଟ, ମାର୍ନସ ଲାବୁସାଗ୍ନେ, ଆଲେକ୍ସ କେରେ।