ଗୋପ,୧ା୨(ଡି.ଏନ୍.ଏ.): ଗୋପ ଥାନା ଅନ୍ତର୍ଗତ ହେଲାରି ଗ୍ରାମରେ ଶନିବାର ସନ୍ଧ୍ୟାରେ ଜଣେ ୪ ବର୍ଷର ଶିଶୁପୁତ୍ରର ଗୁପ୍ତାଙ୍ଗ ସମେତ ଶରୀରର ଏକାଧିକ ସ୍ଥାନରେ ଚେଙ୍କ ଦିଆଯାଇଛି। ପାରିବାରିକ ବିପଦକୁ କେନ୍ଦ୍ରକରି ଗ୍ରାମର ଜଣେ ୧୬ ବର୍ଷୀୟା ନାବାଳକ ଏପରି କାଣ୍ଡ ଘଟାଇଛନ୍ତି। ଏନେଇ ରବିବାର ସକାଳେ ଶିଶୁର ପରିବାର ପକ୍ଷରୁ ଅଭିଯୋଗ ପରେ ଗୋପ ଥାନା ପୋଲିସ ତଦନ୍ତ ଆରମ୍ଭ କରିଛି।
ପ୍ରକାଶ ଯେ, ହେଲାରି ଗ୍ରାମର ଶିବିର ବାରିକଙ୍କ ୪ବର୍ଷର ଶିଶୁପୁତ୍ର ଗାଁ ଦାଣ୍ଡରେ ଖେଳୁଥିବା ସମୟରେ ନାବାଳକ ଜଣକ ହଠାତ୍ ପହଞ୍ଚତ୍ ହାତରେ ଧରିଥିବା ଏକ ଗରମ ଲୁହାରେ ଚେଙ୍କ ଦେଇଥିଲେ। ଶିଶୁଟି କଷ୍ଟରେ ଚିତ୍କାର କରି ଦୌଡୁଥିଲେ ମଧ୍ୟ ନାବାଳକ ଜଣକ ଅତି ନୃଶଂସ ଭାବେ ତା’ ଗୁପ୍ତାଙ୍ଗ ସମେତ ଦେହସାରା ଗରମ ଲୁହାକୁ ଲଗାଇ ଦୌଡ଼ି ପଳାଇଥିଲେ। ଶିଶୁପୁତ୍ରଟି ଯନ୍ତ୍ରଣାରେ ଛଟପଟ ହେଉଥିବାବେଳେ ପରିବାର ଲୋକେ ପହଞ୍ଚତ୍ ତାଙ୍କୁ ସଙ୍ଗେ ସଙ୍ଗେ ଗୋପ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ଗୋପବନ୍ଧୁ ପଟ୍ଟନାୟକ ଓ ଅମିତାଭ ସ୍ବାଇଁ ତୁରନ୍ତ ଚିକିତ୍ସା କରିବାରୁ ସେ ଏବେ ସୁସ୍ଥ ଥିବା ଜଣାପଡିଛି। ଅଭିଯୋଗ ପରେ ଗୋପ ଥାନା ଏସ୍ଆଇ ଓ ଜଣେ ଏଏସ୍ଆଇ ହେଲାରି ଗ୍ରାମରେ ପହଞ୍ଚତ୍ ତଦନ୍ତ କରିବାବେଳେ ସମ୍ପୃକ୍ତ ନାବାଳକ ଓ ତାଙ୍କ ପରିବାର ସଦସ୍ୟ ଗାଁ ଛାଡ଼ି ପଳାଇଥିବାରୁ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିନି। ତେବେ ବାହାରେ ରହି ନାବାଳକଙ୍କ ପରିବାର ଲୋକେ ଶିଶୁ ପୁତ୍ରର ବାପା ଶିବିରଙ୍କୁ ଧମକ ଦେଉଥିବା ସେ ପୋଲିସକୁ ଜଣାଇଛନ୍ତି। ଘଟଣାର ଆପୋସ ସମାଧାନ ପାଇଁ ୨ପକ୍ଷଙ୍କ ମଧ୍ୟରେ ଆଲୋଚନା ଚାଲିଥିବା ତଦନ୍ତକାରୀ ପୋଲିସ ଅଧିକାରୀ ଗଙ୍ଗାଧର ନାୟକ କହିଛନ୍ତି।
