ନୀଳଗିରି,୨୦।୩(ପ୍ରଶାନ୍ତ କୁମାର ବିଶ୍ବାଳ): ଦିଅଁ, ଦେବତା, ଠାକୁର ଠାକୁରାଣୀଙ୍କୁ ବି ଭୟ ନାହିଁ। ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ନୀଳଗିରି ନିକଟସ୍ଥ ବାବା ପଞ୍ଚଲିଙ୍ଗେଶ୍ୱରଙ୍କର ପୀଠରୁ ମଙ୍ଗଳବାର ରାତିରେ ଚୋରି ହୋଇଛି। ଅଧ ରାତିରେ ପଞ୍ଚଲିଙ୍ଗେଶ୍ୱର ମହାଦେବଙ୍କ ହୁଣ୍ଡିବାକ୍ସକୁ କଟର ମେଶିିନରେ କାଟି ଚୋରି କରିଥିବା ଅଭିଯୋଗ ହୋଇଛି। ହୁଣ୍ଡିବାକ୍ସରୁ ଲକ୍ଷାଧିକ ଟଙ୍କା ଚୋରି ହୋଇଥିବା ଅନୁମାନ କରାଯାଉଛି। ସକାଳେ ପଞ୍ଚଲିଙ୍ଗେଶ୍ୱର ଫାଟକ ଖୋଲିବା ପରେ ଚୋରି ହୋଇଥିବା ଦେଖିବାକୁ ମିଳିଥିଲା। ଏ ସମ୍ପର୍କରେ ମନ୍ଦିର କର୍ତ୍ତୃପକ୍ଷ ନୀଳଗିରି ପୋଲିସକୁ ଅବଗତ କରାଇଥିଲେ। ଏଭଳି ଘଟଣାକୁ ଶ୍ରଦ୍ଧାଳୁ ନିନ୍ଦା କରିବା ସହ ପୀଠରେ ବ୍ୟାପକ ପୋଲିସ ମୁତୟନ ଓ ପେଟ୍ରୋଲିଂ ଲାଗି ସାଧାରଣରେ ଦାବି ହୋଇଛି।
