ବ୍ରୁନେଇ
ବ୍ରୁନେଇ ହେଉଛି ପୃଥିବୀର ଧନୀ ଦେଶଗୁଡ଼ିକ ମଧ୍ୟରେ ଅନ୍ୟତମ। ଦକ୍ଷିଣ-ପୂର୍ବ ଏସୀୟ ଏହି ବିକାଶଶୀଳ ଦେଶଟି କେତେକ ସ୍ବତନ୍ତ୍ର କାରଣ ପାଇଁ ଅନ୍ୟମାନଙ୍କଠାରୁ ଭିନ୍ନ । ଜାଣନ୍ତୁ ଏହି ଦେଶ ସମ୍ପର୍କରେ…
* ଦକ୍ଷିଣ-ପୂର୍ବ ଏସିଆରେ ବ୍ରୁନେଇ ହେଉଛି ସର୍ବାଧିକ ସଂଖ୍ୟକ ମେଦବହୁଳ ବ୍ୟକ୍ତି ଥିବା ଦେଶ। ସେଠାରେ ୫୧ ପ୍ରତିଶତ ସ୍କୁଲ୍ ପିଲାଙ୍କଠାରେ ମେଦବହୁଳତା ଦେଖିବାକୁ ମିଳେ। ହେଲେ ଜାଣିଲେ ଆଶ୍ଚର୍ଯ୍ୟ ହେବେ, ସେଠାକାର ଲୋକେ ଫାଷ୍ଟଫୁଡ୍ ଜାତୀୟ ଖାଦ୍ୟ ଖାଇବାକୁ ପସନ୍ଦ କରନ୍ତି ନାହିଁ, ଯେଉଁଥିପାଇଁ ସେଠାରେ ମାତ୍ର ହାତଗଣତି ମ୍ୟାକ୍ ଡୋନାଲ୍ଡ ଭଳି ରେଷ୍ଟୁରାଣ୍ଟ ରହିଛି।
* ବ୍ରୁନେଇ ଦାରୁସାଲାମ୍ ହେଉଛି ଏହି ଦେଶର ଅଫିସିଆଲ୍ ନାମ। ଏହା ୧, ଜାନୁୟାରୀ ୧୯୮୪ରେ ଏକ ସ୍ବାଧୀନ ଦେଶ ହୋଇଥିଲେ ସୁଦ୍ଧା ଏଠାରେ ଏବେବି ରାଜତନ୍ତ୍ରକୁ ଗୁରୁତ୍ୱ ଦିଆଯାଏ। ହାଜି ହସନ୍ଲାଲ୍ ବୋଲ୍କିଆହ ମୁ ଇଜାଦ୍ଦୀନ୍ ଓ୍ବାଦା ବର୍ତ୍ତମାନ ଏହି ଦେଶର ରାଜା ବା ସୁଲତାନ୍। ସେଠାକାର ସୁଲତାନ୍ ପ୍ରଧାନମନ୍ତ୍ରୀ ପଦ ସହିତ ଡିଫେନ୍ସ, ଫାଇନାନ୍ସ ଏବଂ ଫରେନ୍ ଆଫାୟାର୍ସ ଏବଂ ଟ୍ରେଡ୍ ମିନିଷ୍ଟର ଦାୟିତ୍ୱ ମଧ୍ୟ ତୁଲାଉଛନ୍ତିି।
* ସୁଲ୍ତାନଙ୍କ ପାଖରେ ଅନେକ ଦାମୀ କାମ୍ କଲେକ୍ସନ ଥିବା ବେଳେ ଗୋଟିଏ ସୁନାରେ ତିଆରି ପ୍ରାଇଭେଟ୍ ଜେଟ୍ ମଧ୍ୟ ରହିଛି।
* ଏହି ଦେଶର ଲୋକଙ୍କ ଆୟୁକାଳ ସାଧାରଣତଃ ଅନ୍ୟମାନଙ୍କଠାରୁ ବେଶି। ଅର୍ଥାତ୍ ୭୫-୯୩ ବର୍ଷ।
* ଏହା ପୃଥିବୀର ଏକ ଧନୀ ଦେଶ ହୋଇଥିଲେ ସୁଦ୍ଧା ଏଠାକାର ଲୋକେ ଦାମୀ ଏବଂ ବଡ଼ ଘର ପରିବର୍ତ୍ତେ କାର୍ରେ ଅଧିକ ସଉକ ରଖନ୍ତି। ଆଉ ଏଥିପାଇଁ ପୃଥିବୀର ଅନ୍ୟ ଦେଶଗୁଡ଼ିକ ତୁଳନାରେ ଏହି ଦେଶରେ କାର୍ ଉପଭୋକ୍ତାଙ୍କ ସଂଖ୍ୟା ସର୍ବାଧିକ।
* ଏଠାକାର ପ୍ରତିଟି ଘର ବାହାର କାନ୍ଥରେ ଘର ମାଲିକଙ୍କୁ ନିଜ ପତ୍ନୀଙ୍କ ଫଟୋ ସହିତ ସୁଲତାନ୍ଙ୍କ ଫଟୋ ଲଗାଇବା ବାଧ୍ୟତାମୂଳକ।
* ଏହି ଦେଶରେ ଆଲ୍କହଲ୍ ବିକ୍ରି ଏବଂ ପିଇବା ଆଇନବିରୁଦ୍ଧ। ହେଲେ ଏଠାରେ ରହୁଥିବା ଅଣ-ମୁସ୍ଲିମ୍ମାନେ ୨ ଲିଟର ପର୍ଯ୍ୟନ୍ତ ଆଲ୍କହଲ୍ ଦେଶକୁ ଆଣିବାର ଅନୁମତି ରହିଛି।
* ସେଠାରେ ବହୁ ପରିମାଣରେ ଗଚ୍ଛିତ ତୈଳ ଥିବାରୁ ଖୁବ୍ କମ୍ ଦରରେ ତେଲ ମିଳିଥାଏ।
* ଏହା ହେଉଛି ଦକ୍ଷିଣ ଏସିଆର ସବୁଠୁ ଅଧିକ ମୁସଲମାନ ରହୁଥିବା ଦେଶ। ଏଠାରେ ଅନେକ ସୁନ୍ଦର ମସ୍ଜିଦ୍ ରହିଛି।
