ପାର୍କିନସନରେ ପୀଡ଼ିତ, ବୟସ ୬୨, ତଥାପି ପ୍ରତିଦିନ ଖେଚୁଡ଼ି ପ୍ରସ୍ତୁତ କରି ୧୦୦ ଜଣ ରୋଗୀଙ୍କୁ ମାଗଣାରେ ଖାଇବାକୁ ଦେଉଛନ୍ତି କିରନ କମଦାର। ସେ ମହାରାଷ୍ଟ୍ରର ପାଲଘରସ୍ଥିତ ଡି.ଏମ୍. ପେଟିଟ୍ ଗଭର୍ନମେଣ୍ଟ ହସ୍ପିଟାଲରେ ରୋଗୀମାନଙ୍କୁ ଖେଚୁଡ଼ି ଖାଇବାକୁ ଦେଉଛନ୍ତି। ଏହି କାର୍ଯ୍ୟ ସେ ୩ ବର୍ଷ ହେଲା କରି ଆସୁଛନ୍ତି। ସବୁଠୁ ବଡ଼ କଥା ହେଉଛି, ରୋଗୀଙ୍କୁ ଖାଦ୍ୟ ଦେବାରେ ଗୋଟିଏ ଦିନ ବି ବନ୍ଦ କରିନାହାନ୍ତି। ହସ୍ପିଟାଲକୁ ଆଖପାଖ ୧୫ଟି ଗାଁଁରୁ ରୋଗୀମାନେ ଆସନ୍ତି। ଅପରାହ୍ନ ୨ଟାରେ ଓପିଡି ବନ୍ଦ ହେବା ପରେ ସେମାନେ କିରନଙ୍କ ବାଟକୁ ଚାହଁି ବସିଥାନ୍ତି। ସେ ମଧ୍ୟ ଠିକ୍ ସମୟରେ ଏକ ଟ୍ରଲିରେ ଖାଦ୍ୟ ନେଇ ପହଞ୍ଚିଯାଇଥାନ୍ତି। ତାଙ୍କ ଘର ପାଖରୁ ହସ୍ପିଟାଲ ୪ କି.ମି. ଦୂର ହେଲେ ମଧ୍ୟ ପ୍ରତିଦିନ ସେ ଠିକ୍ ସମୟରେ ସେଠାରେ ପହଞ୍ଚିଯାଆନ୍ତି। ପରେ ହସ୍ପିଟାଲର ପ୍ରତ୍ୟେକ ରୁମ୍କୁ ଯାଇ ରୋଗୀମାନଙ୍କୁ ଖେଚୁଡ଼ି ଦେଇଥାନ୍ତି। ସେ ନିୟମିତ ସକାଳ ୫ଟାରୁ ଉଠି ଖାଦ୍ୟ ପ୍ରସ୍ତୁତ କରୁଛନ୍ତି। ଏହି କାର୍ଯ୍ୟରେ ତାଙ୍କ ସ୍ବାମୀ ଓ ପରିବାର ସଦସ୍ୟମାନେ ସହଯୋଗ କରୁଛନ୍ତି।