ପରିବାର ଚଳାଇବା ଲାଗି ପିତାଙ୍କ ସହ ମାଛ ବିକୁଥିବା ଝିଅଟିଏ ବିଶ୍ୱର ସବୁଠୁ ଉଚ୍ଚ ରାସ୍ତାର ଲକ୍ଷ୍ୟ ସ୍ଥଳରେ ପହଞ୍ଚି ରେକର୍ଡ କରିଛନ୍ତି। ଛାପ୍ରା ଜିଲା ବାସିନ୍ଦା ସବିତା ମାହାତୋ ସମୁଦ୍ର ପତ୍ତନରୁ ୧୯,୦୦୦ ଫୁଟ ଉଚ୍ଚରେ ଥିବା ଲଦାଖର ଉମଲିଙ୍ଗ ଲା ପାସ୍ରେ ସାଇକେଲରେ ପହଞ୍ଚିଛନ୍ତି। ଏହା ପୃଥିବୀର ଉଚ୍ଚତମ ରାସ୍ତା। ସେ ମାଛ ବିକିବା ସମୟରେ ଖେଳିବାକୁ ଚାହିଁଥିଲେ ଓ ଜାତୀୟସ୍ତରର ଭଲିବଲ ଖେଳାଳି ହୋଇପାରିଥିଲେ। ପରେ ସେ ଉମଲିଙ୍ଗ ଲା ପାସ୍ରେ ପହଞ୍ଚିବା ଲାଗି ଲକ୍ଷ୍ୟରଖି ଅଭ୍ୟାସ ଆରମ୍ଭ କରିଥିଲେ। ସେ ସାଇକେଲରେ ଦିଲ୍ଲୀରୁ ଉମଲିଙ୍ଗ ଲା ପାସ୍ରେ ପହଞ୍ଚିବାରେ ପ୍ରଥମ ମହିଳା ହୋଇପାରିଛନ୍ତି। ମନାଲିଠାରୁ ସେ ପାଦରେ ଚାଲି ୫୭୦ କି.ମି. ଅତିକ୍ରମ କରି ଉମଲିଙ୍ଗ ଲାରେ ବି ପହଞ୍ଚିପାରିଛନ୍ତି। ଏଥିପାଇଁ ତାଙ୍କୁ ୧୮ ଦିନ ସମୟ ଲାଗିଥିଲା। ପ୍ରତିଦିନ ସେ ୪୦-୪୫ କିଲୋମିଟର ଚାଲୁୁଥିଲେ। ଏହା ବ୍ୟତୀତ ସବିତା ସାଇକେଲରେ ଉଚ୍ଚସ୍ଥାନରେ ଥିବା ୩୩,୦୦୦ କି.ମି ରାସ୍ତା ଅତିକ୍ରମ କରିବା ସହ ୧୨ଟି ପାହାଡ଼ ଚଢିଛନ୍ତି।