ପିତାଙ୍କ ସ୍ମୃତିରେ ଜଙ୍ଗଲ ସୃଷ୍ଟି କରି ଏକ ନିଆରା କାର୍ଯ୍ୟ କରୁଛନ୍ତି ପୁତ୍ର ଜର୍ଜ ରେମିଡିଓସ। ଜର୍ଜ ଏକ ବିଜ୍ଞାପନ ଏଜେନ୍ସିରୁ ଚାକିରି ଛାଡ଼ି ‘ଦି ଟର୍ନିଂ ଟାଇଡ୍’ ସଂସ୍ଥା ଗଠନ କରି ତା’ ମାଧ୍ୟମରେ ମୁମ୍ବାଇର କେନ୍ଦ୍ରସ୍ଥଳୀରେ ୧୨ଟି ଜଙ୍ଗଲ କରିଛନ୍ତି। ପ୍ରତ୍ୟେକଟି ଜଙ୍ଗଲ ପାଇଁ ସେ ୧୫ରୁ ୩୦ ହଜାର ଟଙ୍କା ଖର୍ଚ୍ଚ କରିଛନ୍ତି। ବିଗତ ୮ ବର୍ଷରେ ସେ ତାଙ୍କ ସଂସ୍ଥା ଦ୍ୱାରା ୨୬,୦୦୦ ଗଛ ରୋପଣ କରି ଏଭଳିି ଜଙ୍ଗଲ କରିପାରିଛନ୍ତି। ଏହି ଜଙ୍ଗଲଗୁଡ଼ିକ ଲୋକମାନଙ୍କୁ ବିଭିନ୍ନ କିସମର ଫଳ ଯୋଗାଉଛି। ଜଙ୍ଗଲରୁ ଆମ୍ବ, ପିଜୁଳି, ଡାଳିମ୍ବ ଓ କଦଳୀ ଆଦି ଫଳ ମିଳୁଛି। ଜଙ୍ଗଲର ଯତ୍ନ ନେବା ଲାଗି ସେ ବୃଦ୍ଧାଶ୍ରମ ଓ ଅନାଥ ଆଶ୍ରମଗୁଡ଼ିକୁ ଦାୟିତ୍ୱ ଦେଇଛନ୍ତି। ସେ ସୀମିତ ଜାଗାରେ ସମାନ ପ୍ରକାର ଜଙ୍ଗଲ ସୃଷ୍ଟି କରିବାକୁ ଲୋକମାନଙ୍କୁ ଉତ୍ସାହିତ କରୁଛନ୍ତି। ଜର୍ଜଙ୍କୁ ୯ ବର୍ଷ ବୟସ ହୋଇଥିବାବେଳେ ସେ ଗଛପ୍ରିୟ ଥିଲେ ଯାହା ପରବର୍ତ୍ତୀ ସମୟରେ ତାଙ୍କୁ ଏଭଳି କାର୍ଯ୍ୟ କରିବାକୁ ପ୍ରେରିତ କରିଛି। ମୁମ୍ବାଇ ପରେ ପୁଣେ, ତିରୁଚିରାପଲ୍ଲୀ, ପାରା ଓ ତରଙ୍ଗମ୍ବାଡିରେ ଜଙ୍ଗଲ ସୃୃଷ୍ଟି କରିବା ଲାଗି ସେ ଯୋଜନା କରିଛନ୍ତି।