ହଜିଯାଇଥିବା ପିଲାମାନଙ୍କୁୁ ଖୋଜିଆଣି ସେମାନଙ୍କ ପରିବାରକୁ ଦେଉଛନ୍ତି ଆଇଏଏସ୍ ଅଧିକାରୀ ହିମାଂଶୁ ନାଗପାଲ। ବାରାଣସୀରେ ହଜିଯାଇଥିବା ୭୩୦ ପିଲାଙ୍କୁ ଖୋଜିପାଇବାରେ ସେ ସକ୍ଷମ ହୋଇଛନ୍ତି। ହିମାଂଶୁଙ୍କ ଜନ୍ମ ହରିୟାଣାର ହିସାର ଜିଲାରେ। ୨୦୧୯ ବ୍ୟାଚ୍ ଆଇଏଏସ୍ ଅଧିକାରୀ ହିମାଂଶୁଙ୍କୁ ଗତବର୍ଷ ବାରାଣସୀରେ ଚିଫ୍ ଡେଭଲପ୍ମେଣ୍ଟ ଅଫିସର ଭାବେ ନିଯୁକ୍ତ କରାଯାଇଥିଲା। ସେ ବିଭିନ୍ନ ସ୍ଥାନକୁ ଯିବା ସମୟରେ ପିଲାମାନେ ଭିକ ମାଗୁଥିବା ଦେଖିବାକୁ ପାଇଥିଲେ। ପିଲାମାନଙ୍କ ସହ କଥା ହେବା ପରେ ସେମାନେ ଏକ ପ୍ଲାଏ ଓଭର ତଳେ ରହୁଥିବା ଜାଣିବାକୁ ପାଇଥିଲେ। ସେମାନଙ୍କ ବୟସ ୫ରୁ ୧୮ ବର୍ଷ ମଧ୍ୟରେ। ମା’ବାପଙ୍କ ସହ ବାରାଣସୀ ଆସି ହଜିଯିବା ପରେ ସେମାନେ ଏହି ବୃତ୍ତିରେ ବଞ୍ଚୁଥିବା କହିଥିେଲେ। ଏହା ଜାଣିବା ପରେ ହିମାଂଶୁ ପିଲାମାନଙ୍କ ସମ୍ପର୍କରେ ସବିଶେଷ ତଥ୍ୟ ହାସଲ କରି ସେମାନଙ୍କ ପରିବାର ନିକଟରେ ପହଞ୍ଚାଇ ଦେଉଛନ୍ତି। ଏହି କାର୍ଯ୍ୟ ଲାଗି ସେ ୧୨ଟି ଟିମ୍ ଗଠନ କରିଛନ୍ତି, ଯେଉଁଥିରେ ରହିଛନ୍ତି ୬୦ ଜଣ ଅଧିକାରୀ। ଯେଉଁ ପିଲାମାନଙ୍କ ଠିକଣା ମିଳୁନାହିଁ ସେମାନଙ୍କୁ ସ୍ଥାନୀୟ ପ୍ରାଥମିକ ସ୍କୁଲରେ ନାମ ଲେଖାଇ ବଢ଼ିବାର ସୁଯୋଗ ଦେଉଛନ୍ତି ଓ ସେମାନଙ୍କ ଖର୍ଚ୍ଚ ମଧ୍ୟ ବହନ କରୁଛନ୍ତି।