ଛତିଶଗଡ଼ର ବସ୍ତର ଅଞ୍ଚଳ ମାଓପ୍ରବଣ ଓ ଏହାର ଘଞ୍ଚ ଜଙ୍ଗଲିଆ କ୍ଷେତ୍ରରେ ରହୁଥିବା ଆଦିବାସୀଙ୍କ ଜୀବନଜୀବିକା ଅତ୍ୟନ୍ତ କଷ୍ଟକର। ସେଭଳି ଏକ ଅଞ୍ଚଳରେ ସତ୍ୟେନ୍ଦ୍ର ସିଂ ଲିହାରେ ଆଦିିବାସୀଙ୍କ ଜୀବନ ଜୀବିକାରେ ପରିବର୍ତ୍ତନ ଆଣିବାରେ ସକ୍ଷମ ହୋଇଛନ୍ତି। ‘ବସ୍ତର ସେ ବଜାର ତକ୍’ ବିଜ୍ନେସ ଆରମ୍ଭ କରି ତା’ ମାଧ୍ୟମରେ ବିଭିନ୍ନ ଉପତ୍ାଦକୁ ସିଧାସଳଖ ମାର୍କେଟରେ ବିକିବାର ବ୍ୟବସ୍ଥା କରିଛନ୍ତି। ଏହାଦ୍ୱାରା ମଧ୍ୟସ୍ଥଙ୍କ ଆବଶ୍ୟକତା ପଡ଼ୁନାହିଁ, ଫଳରେ ଚାଷୀମାନେ ଅଧିକ ଲାଭ ପାଇପାରୁଛନ୍ତି। ବିଶେଷକରି ଆତ, ଜାମୁକୋଳି, ତେନ୍ତୁଳି,ପନିପରିବା, ମାଛ ଓ ଓଷଧୀୟ ଗଛ ଆଦି ବିକ୍ରି କରାଯାଉଛି। ଏହାକୁ ସେ ମୁମ୍ବାଇ,ହାଇଦ୍ରାବାଦ, ପୁଣେ, ରାୟପୁର ଆଦି ସହରରେ ବିକ୍ରି କରୁଛନ୍ତି। ଏଥିରୁ ମଧ୍ୟ ବିଭିନ୍ନ ଉପତ୍ାଦ ପ୍ରସ୍ତୁତ କରାଯାଉଛି। ଏହି କାର୍ଯ୍ୟରେ ସେ ୧୫୫୦ ଆଦିବାସୀ ମହିଳାଙ୍କୁ ନିଯୁକ୍ତ କରି ସେମାନଙ୍କୁ ଆମତ୍ନିର୍ଭର କରିବାରେ ସକ୍ଷମ ହୋଇପାରିଛନ୍ତି। ସତ୍ୟେନ୍ଦ୍ରଙ୍କ ପିଲାଦିନ ବହୁ କଷ୍ଟରେ କଟିଛି। ସେ ଅର୍ଥାଭାବରେ ରହି ଶିକ୍ଷା ଶେଷ କରି ଆଦିବାସୀଙ୍କ ଜୀବନରେ ଉନ୍ନତି ଆଣିବା ଲାଗି ୨୦୨୦ରେ ‘ବସ୍ତର ସେ ବଜାର ତକ୍’ ବିଜ୍ନେସ ଆରମ୍ଭ କରିଥିଲେ। ଦୀର୍ଘଦିନର ସଂଘର୍ଷମୟ ଅଧ୍ୟାୟ ଅତିକ୍ରମ କରି ସେ ସଫଳ ହୋଇଛନ୍ତି। ବର୍ଷକୁ ଏଥିରୁ ୧ କୋଟି ଟଙ୍କା ଆୟ କରୁଛନ୍ତି।