କୃଷିରେ ଅନିୟମିତ ବର୍ଷାର ପ୍ରଭାବ ଓ ରୋଗପୋକ ପ୍ରାଦୁର୍ଭାବ ବଢ଼ିଚାଲିଛି। ଏହାର ପ୍ରଭାବରେ ଅମଳ କମିବା ସହ କୃଷକମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି। ଏହାକୁ ଦୂର କରିବା ଲାଗି ଆସାମରେ ନୀଲମ ଦତ୍ତ ଚେଷ୍ଟା ଜାରି ରଖିଛନ୍ତି। ସେ ‘ପାଭୋହି ଗ୍ରୀନ୍ସ’ କମ୍ପାନୀ ଗଠନ କରି ଜଳବାୟୁ ପରିବର୍ତ୍ତନ ସହନୀୟ ବିହନର ସଂରକ୍ଷଣ କରିବା ସହ ଚାଷ କରିବା ଲାଗି କୃଷକମାନଙ୍କୁ ଉତ୍ସାହିତ କରିଆସୁଛନ୍ତି। ସେ ଉତ୍ତର-ପୂର୍ବ ଭାରତର ୨୪,୦୦୦ କୃଷକଙ୍କୁ ଜୈବିକ ଚାଷ ଓ ବିହନ ସଂରକ୍ଷଣ ବିଷୟ ସମ୍ପର୍କରେ ପ୍ରଶିକ୍ଷଣ ଦେଉଛନ୍ତି। ସେ ୧୮ଏକର ଜମିରେ ଜୈବିକ ଚାଷ କରୁଛନ୍ତି। ଏହା ମାଧ୍ୟମରେ ପିଢ଼ି ପରେ ପିଢ଼ି ଚାଷ ହୋଇ ଆସୁଥିବା ବିହନ ବିଲୋପ ହେବାକୁ ବସିଥିବାବେଳେ ନିଲମ ତାହାର ସଂରକ୍ଷଣ କରି କୃଷକମାନଙ୍କୁ ଯୋଗାଇବା ସହ ଚାଷରେ ସହଯୋଗ କରୁଛନ୍ତି। ଫଳରେ କୃଷକମାନେ ଜଳବାୟୁ ପରିବର୍ତ୍ତନର ପ୍ରଭାବକୁ ମୁକାବିଲା କରି ଅଧିକ ଉତ୍ପାଦନ କରି ଲାଭ ପାଉଛନ୍ତି। ୧୫ ବର୍ଷ ମଧ୍ୟରେ ନିଲମ ୧୦୦୦ ପ୍ରକାର ସ୍ଥାନୀୟ ପାରମ୍ପରିକ ଧାନ ଓ ପରିବା ବିହନ ସଂରକ୍ଷଣ କରିପାରିଛନ୍ତି। ଏଥିରେ ୮୦୦ ପ୍ରକାରର ବିଭିନ୍ନ ପନିପରିବା ଓ ୨୦୦ କିସମର ଧାନ ବିହନ ରହିଛି। ପ୍ରତିବର୍ଷ ସେ ୮୦୦୦ ପ୍ୟାକେଟ ବିହନ ଶସ୍ତାରେ କୃଷକମାନଙ୍କୁ ଯୋଗାଉଛନ୍ତି।