ଶିଖିବା ଓ ସଫଳତା ପାଇବାରେ ବୟସର କୌଣସି ସୀମା ନ ଥାଏ। ଏମିତି ଜଣେ ସଫଳ ମହିଳା ହେଉଛନ୍ତି ମଣିପୁରର ଶୁଭ ଭଟନାଗର। ୬୩ ବର୍ଷୀୟା ଶୁଭ କେଶର ଚାଷରେ ଦକ୍ଷତା ଦେଖାଇ ଏକ ଉଦାହରଣ ସୃଷ୍ଟି କରିପାରିଛନ୍ତି। ସବୁଠୁ ବଡ଼ କଥା ହେଉଛି ସେ ଘର ଭିତରେ ୫୦୦ ବର୍ଗଫୁଟ ଜାଗାରେ ଏରୋପୋନିକ୍ସ (ଆର୍ଦ୍ର ବାୟୁ ପରିବେଶରେ ଚାଷ) ପଦ୍ଧତିରେ ଏହି ଚାଷ କରୁଛନ୍ତି। ପରିବାର ଅର୍ଥାତ୍ ଇଞ୍ଜିନିୟର ପୁଅ, ବୋହୂ ଓ ସ୍ବାମୀଙ୍କ ସହଯୋଗରେ ସେ ‘ଶୁଭାନି ସ୍ମାର୍ଟ ଫାର୍ମ’ ଗଠନ କରି କେଶର ଚାଷ କରି ଅକ୍ଷାଧିକ ଟଙ୍କା ରୋଜଗାର କରୁଛନ୍ତି। ଏହି ଚାଷରେ ସେ ଆଖପାଖ ଗାଁର ୨୫ ଜଣ ମହିଳାଙ୍କୁ ନିଯୁକ୍ତି ଦେଇଛନ୍ତି। ସେ ଅଗଷ୍ଟ ୨୦୨୩ରେ ଏହି ଚାଷ ଆରମ୍ଭ କରିଥିଲେ। ୩ ମାସ ପରେ ପ୍ରଥମ କେଶର ଉପତ୍ାଦନ କଲେ ଓ ଚଳିତ ବର୍ଷ ପ୍ରାରମ୍ଭରେ ୨ କେ.ଜି. କେଶର ବିକ୍ରି କରି ୮ ଲକ୍ଷ ଟଙ୍କା ରୋଜଗାର କରିଛନ୍ତି। ଶୁଭ ହିନ୍ଦୀ ସାହିତ୍ୟରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି, କିନ୍ତୁ ବୈଜ୍ଞାନିକ ପଦ୍ଧତି ଅନୁସରଣ କରି ଚାଷରେ ତାହାକୁ କାର୍ଯ୍ୟକାରୀ କରିବାରେ ଏଭଳି ସଫଳତା ଅନେକଙ୍କ ପାଇଁ ଆଶା ସଞ୍ଚାର କରିଛି। ଏହି ଚାଷ ଲାଗି ଶୁଭ କଶ୍ମୀରର ନାମକରା କୃଷକଙ୍କଠାରୁ ପ୍ରଶିକ୍ଷଣ ନେଇଛନ୍ତି। ପାରମ୍ପରିକ ପଦ୍ଧତିରେ ୧.୫ ଏକରରୁ ଯେଉଁ ପରିମାଣର କେଶର ଉପତ୍ାଦନ ହୁଏ ସେତିକି ପରିମାଣ ଏରୋପୋନିକ୍ସ ପଦ୍ଧତିରେ ୫୦୦ ବର୍ଗଫୁଟ ଜାଗାରେ ଉପତ୍ାଦନ କରୁଛନ୍ତି ଶୁଭ।