ସମ୍ପ୍ରତି ଇଲେକ୍ଟ୍ରୋନିକ ବର୍ଜ୍ୟ ବା ଇ-ଓ୍ବେଷ୍ଟ ସମସ୍ୟା ବଢ଼ିବାରେ ଲାଗିଛି। ଏହା ପରିବେଶ ପ୍ରଦୂଷଣ ବୃଦ୍ଧି କରୁଛି। ଏଣୁ ଏଭଳି ଇ-ଓ୍ବେଷ୍ଟ ସମସ୍ୟା ବିଷୟରେ ଚିନ୍ତା କରିବା ସମୟରେ ଆଙ୍କାଶ ଚତୁର୍ବେଦୀଙ୍କ ଆବିଷ୍କାର ଉପରେ ଭାବିବା ଉଚିତ। ସେ ବାଉଁଶରେ ଏକପ୍ରକାର ହେଡ୍ଫୋନ ତିଆରି କରିଛନ୍ତି। ଏହା ସମ୍ପୂର୍ଣ୍ଣ ପରିବେଶ ଉପଯୋଗୀ ଓ ୭୦% ବିଘଟନଯୋଗ୍ୟ। ଏଭଳି ଆବିଷ୍କାର ପ୍ରଚ୍ଛଦରେ ଦୁଇଟି କାରଣ ରହିଛି। ଗୋଟିଏ ହେଉଛି ପରିବେଶରେ ଇ-ଓ୍ବେଷ୍ଟ ବୃଦ୍ଧି ରୋକିବା ଏବଂ ଦ୍ୱିତୀୟରେ ବାଉଁଶ କଳାକୁ ନୂଆ ରୂପ ଦେବା। ଆଙ୍କାଶ କଳାରେ ସ୍ନାତକୋତ୍ତର ଡିଗ୍ରୀ ପରେ ପ୍ରଥମେ ହେଡ୍ଫୋନର ଏକ ପ୍ରତିକୃତି ତିଆରି କରିଥିଲେ। ଏହି ହେଡେ୍ଫାନ ବହୁତ ହାଲୁକା ଏବଂ ତାହା ସହଜରେ ଜଣଙ୍କ ମୁଣ୍ଡରେ ଫିଟ୍ ହୋଇପାରୁଛି। ଏବେ ଏହାର ଆଦର ବଢୁଛି ଓ ଏହାପାଇଁ ସେ ଅଧିକ ଅର୍ଡର ମଧ୍ୟ ପାଉଛନ୍ତି। ଅଧିକ ଉପତ୍ାଦନ ପାଇଁ ସେ ବାଉଁଶ କଳାକାରଙ୍କ ସାହାଯ୍ୟରେ ଉପତ୍ାଦନ ୟୁନିଟ୍ ପ୍ରତିଷ୍ଠା କରିବାକୁ ଯୋଜନା କରିଛନ୍ତି।