ଉତ୍ତରାଖଣ୍ଡରେ ପାଇନ ଗଛର ଶୁଷ୍କପତ୍ର (ପାଇନ ନିଡଲ୍ସ) ବନାଗ୍ନିର ଏକ ବଡ଼ କାରଣ ବୋଲି କୁହାଯାଉଛି। ଏହା ବର୍ଷ ବର୍ଷ ଧରି ଗଛମୂଳରେ ଜମା ହୋଇ ରହିବା ଫଳରେ ନିଆଁ ବ୍ୟାପିବାରେ ସାହାଯ୍ୟ କରୁଛି। ତେବେ ଏହି ପାଇନ ନିଡଲ୍ସ ବର୍ଜ୍ୟର ସଦ୍ଉପଯୋଗ କରୁଛନ୍ତି ଦୁଇ ଭଉଣୀ ନୂପୁର ଓ ସାବିତ୍ରୀ ପୋହାରକର। ସେମାନେ ପାଇନ୍ସ ନିଡଲ୍ସରୁ ସର୍ଭିଂ ଟ୍ରେ, ଷ୍ଟୋରେଜ ବକ୍ସ, ଟେବୁଲ ମ୍ୟାଟ ଆଦି ଉତ୍ପାଦ ପ୍ରସ୍ତୁତ କରୁଛନ୍ତି। ସେମାନେ ‘ପିରୁଲ ହ୍ୟାଣ୍ଡିକ୍ରାଫ୍ଟ’ ସଂସ୍ଥା ଗଠନ କରି ତା’ ମାଧ୍ୟମରେ ଏହିି କାର୍ଯ୍ୟ କରୁଛନ୍ତି। ପ୍ରଥମେ ୨୦୨୧ରେ ସେମାନେ ୧୫ ଜଣ ମହିଳାଙ୍କୁ ନେଇ ପାଇନ ନିଡଲ୍ସରୁ ଉପତ୍ାଦ ତିଆରି କରିବା ଆରମ୍ଭ କରିଥିଲେ। ଏବେ ତାଙ୍କ ସଂସ୍ଥାରେ ୮ଟି ଗାଁର ପାଖାପାଖି ୧୦୦ ମହିଳା କାମ କରୁଛନ୍ତି। ମହିଳାମାନେ ଏବେ ସୁଦ୍ଧା ୧୨,୦୦୦ ଉତ୍ପାଦ ବିକ୍ରି କରିସାରିଲେଣି। ଏଥିରେ ମୋଟ ୨୦,୦୦୦ କେଜି ପାଇନ ନିଡଲ୍ସ ବ୍ୟବହାର କରିସାରିଲେଣି। ବିଶେଷକରି ବେଙ୍ଗାଲୁରୁ, ଦିଲ୍ଲୀ, ହାଇଦ୍ରାବାଦ ସମେତ ଭାରତର ଅନ୍ୟ ବୃହତ୍ ସହରଗୁଡ଼ିକରେ ବିକ୍ରି କରାଯାଉଛି। ସେମାନେ ଏହାକୁ ମଧ୍ୟ ଆମେରିକାକୁ ପଠାଉଛନ୍ତି।
