![](https://www.dharitri.com/wp-content/uploads/2022/10/ei-bharatre.jpg)
ଜୈବିକ ଆଇସକ୍ରିମ୍ ଫ୍ୟାକ୍ଟ୍ରି ଦେଖିବାକୁ ପାଇବେ ଆନ୍ଧ୍ରପ୍ରଦେଶର ନେଲୋରରେ। ଏହାକୁ ଚଳାଉଛନ୍ତି ଉଦ୍ୟୋଗପତି ସୁବାସ ବି ଶେଟ୍ଟି। ଏହି ଫ୍ୟାକ୍ଟ୍ରି ସମ୍ପୂର୍ଣ୍ଣ ଜୈବିକ ପଦ୍ଧତିରେ ଚାଲିଛି। ଅର୍ଥାତ୍ ସବୁଥିରେ ସୌରଶକ୍ତି ଉପଯୋଗ କରାଯାଉଛି। ଏହି ବ୍ୟବସାୟରୁ ସେ ବର୍ଷକୁ ୧୨ କୋଟି ଟଙ୍କା ରୋଜଗାର କରୁଛନ୍ତି। ଏଥିରେ ଜୈବିକ ରଙ୍ଗ ବ୍ୟବହାର ହେଉଛି। ସୁବାସ ଫାର୍ମାସିରେ ପିଏଚ୍ଡି କରିଛନ୍ତି। ହେଲେ ସେ ଏଥିରେ କ୍ୟାରିୟର ନ କରି ଜୈବିକ ପଦ୍ଧତିରେ ଆଇସକ୍ରିମ୍ ତିଆରି କରିବାକୁ ନିଷ୍ପତ୍ତି ନେଇଥିଲେ। ନେଲୋରରେ ପ୍ରଚୁର କ୍ଷୀର ଉପଲବ୍ଧ ହେଉଥିବାରୁ ସେ ଏହାକୁ ଉପଯୋଗ କରି ଆଇସକ୍ରିମ୍ କରିବାକୁ ନିଷ୍ପତ୍ତି ନେଇଥିଲେ ଓ ଏବେ ସେଥିରେ ସେ ସଫଳ ହୋଇପାରିଛନ୍ତି। ଦୁଇ ଦଶନ୍ଧି ପୂର୍ବେ ଏହି ବ୍ୟବସାୟ ଆରମ୍ଭ କରିବାର ଦୁଇଦିନ ମଧ୍ୟରେ ସେ ୪୫ ଲିଟର ଆଇସକ୍ରିମ୍ ପ୍ରସ୍ତୁତ କରିପାରିଥିଲେ। ଏବେ ୮୦ଟି ଆଉଟଲେଟ୍ ରହିଛି। ସବୁଠୁ ବଡ଼ କଥା ହେଉଛି ଫ୍ୟାକ୍ଟ୍ରିରୁ ବାହାରୁଥିବା ବର୍ଜ୍ୟପାଣିକୁ ସେ ବଗିଚାରେ ବ୍ୟବହାର କରୁଛନ୍ତି।