ଉତ୍ତରପ୍ରଦେଶ ବିଜ୍ନୋରରେ ରହୁଥିବା ଅଲି କୁମୈଲଙ୍କ ଶିକ୍ଷାଗତ ଯୋଗ୍ୟତା କହିଲେ ଦଶମ ପାସ୍। ବୃତ୍ତିରେ ସେ ଜଣେ ଏସି ମେକାନିକ। କିନ୍ତୁ ସ୍ବଦେଶୀ ଜ୍ଞାନକୌଶଳରେ ତିଆରି କରିଛନ୍ତି ଏକ ଟ୍ରାକ୍ଟର। ଏହି ଟ୍ରାକ୍ଟରର ବିଶେଷତ୍ୱ ହେଉଛି, ତାହା ସମ୍ପୂର୍ଣ୍ଣ ପୁରୁଣା ପାଟର୍ସରେ କରାଯାଇଛି। ଏହି ଟ୍ରାକ୍ଟର ବିଦ୍ୟୁତ୍ରେ ଚାଲୁଛି। ଟ୍ରାକ୍ଟର ନିର୍ମାଣରେ ୪୦% କାଠ ଓ ୬୦% ଲୁହା ବ୍ୟବହାର ହୋଇଛି। କୁମୈଲ ଆର୍ଥିକ ଅଭାବ ଯୋଗୁ ଦଶମରୁ ପଢ଼ା ଛାଡ଼ି ଦେଇଥିଲେ। କିନ୍ତୁ କିଛି ନୂଆ କରିବାର ଇଚ୍ଛା ତାଙ୍କ ମନରେ ରହିଥିଲା, ଯାହା ଏହି ଟ୍ରାକ୍ଟର ନିର୍ମାଣରେ ପ୍ରତିଫଳିତ ହୋଇଛି। ପ୍ରଥମେ ସେ ଜଣେ ଏସି ମେକାନିକ ଭାବେ କାର୍ଯ୍ୟ କରିଥିଲେ। ଏହି ସମୟ ମଧ୍ୟରେ ୫୦ହଜାର ଟଙ୍କା ସଞ୍ଚୟ କରି ସେହି ଅର୍ଥରେ ଟ୍ରାକ୍ଟର ତିଆରି ଆରମ୍ଭ କରିଥିଲେ। ଚାକିରିରୁ ସମୟ ବାହାର କରି ଏହି କାର୍ଯ୍ୟ କରୁଥିଲେ। ଏବେ ତାଙ୍କ ଟ୍ରାକ୍ଟରକୁ ଦେଖିବାକୁ ଭିଡ଼ ଜମୁଛି।