କ୍ଷେତକୁ ଫସଲ ଖାଇବାକୁ ବନ୍ୟପ୍ରାଣୀ ଆସିଲେ ସେମାନଙ୍କୁ ହତ୍ୟା କିମ୍ବା ଗୁରୁତର ଆହତ କରାଯାଉଥିବା ଦେଖିବାକୁ ମିଳୁଛି। ଏହି ସମସ୍ୟା ଦୂର କରିପାରୁଛି ବେଙ୍ଗାଲୁରୁର ‘କଟିଧନ’ ଷ୍ଟାର୍ଟଅପ୍। ଏସ୍.ଆର୍.ଆୟନ ଏହି ଷ୍ଟାର୍ଟଅପ୍ର ପ୍ରତିଷ୍ଠାତା। ପ୍ରଯୁକ୍ତି ବ୍ୟବହାର କରି ପ୍ରାଣୀମାନଙ୍କୁ ଫସଲଠାରୁ ଦୂରେଇ ରଖାଯାଇଯାଉଛି। ଏଥିରେ ପ୍ରାଣୀଙ୍କର କୌଣସି କ୍ଷତି ଘଟୁନାହିଁ। ଆୟନ ଜଣେ ରୋବୋଟିକ ଇଞ୍ଜିନିୟର ଓ ସେ କଞ୍ଜୁମର ରୋବୋ ନିର୍ମାଣ କରୁଥିଲେ। କିନ୍ତୁ ପ୍ରାଣୀ- ମଣିଷ ସଂଘର୍ଷର କ୍ଷତି ବିଷୟରେ ଜାଣିବା ପରେ ଏହାକୁ ହ୍ରାସ କରିବା ଲାଗି ଉପାୟ ଚିନ୍ତା କରିଥିତ୍ଲେ। ପରେ କେତେଜଣ ବୈଜ୍ଞାନିକ ଓ ଇଞ୍ଜିନିୟରଙ୍କ ସହ ଏକ ଛୋଟ ଟିମ୍କୁ ନେଇ କାମ ଆରମ୍ଭ କରି ସଫଳତା ପାଇଲେ। ସୌରଶକ୍ତି ଚାଳିତ ଅଟୋଲାଇଟ ଏହାର ମୁଖ୍ୟ ସାଧନ, ଯାହା ହାତୀ, ବାଘ, ବାର୍ହା ଆଦି ପ୍ରାଣୀଙ୍କୁ ସହଜରେ କ୍ଷେତ ନିକଟରୁ ତଡ଼ି ଦେଇପାରୁଛି। ଏହି ଉପତ୍ାଦ ସ୍ବୟଂଚାଳିତ। ରାତିସାରା ବିଭିନ୍ନ ପ୍ରକାର ଫ୍ଲାଶ୍ ଲାଇଟ ଦେଇଥାଏ ଓ ସେଠାରେ ପ୍ରାଣୀଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି କରି ସେମାନଙ୍କୁ ତଡ଼ି ଦେଇଥାଏ। ଏଥିରେ ପ୍ରାଣୀମାନଙ୍କର କୌଣସି କ୍ଷତି ହୋଇ ନ ଥାଏ। ଏବେ ସୁଦ୍ଧା ଏହିି କମ୍ପାନୀ ମହାରାଷ୍ଟ୍ର, କର୍ନାଟକ, ତାମିଲନାଡୁ ଏବଂ ଉତ୍ତରାଖଣ୍ଡ ଭଳି ରାଜ୍ୟଗୁଡ଼ିକରେ ୨,୦୦୦ରୁ ଅଧିକ କୃଷକଙ୍କ ନିକଟରେ ତାହାର ଉତ୍ପାଦକୁ ପହଞ୍ଚାଇସାରିଲାଣି।