ଜୈବ ଇନ୍ଧନରେ ଚାଲୁଥିବା ଗାଡ଼ିିଗୁଡ଼ିକ ବାୟୁମଣ୍ଡଳକୁ ଅଧିକ କାର୍ବନ ମନୋକ୍ସାଇଡ ଗ୍ୟାସ୍ ନିର୍ଗମନ କରିବା ଯୋଗୁ ଏହା ବିଶ୍ୱତାପନ ବୃଦ୍ଧି କରୁଛି। ଏହିସବୁ ଗାଡି ସଂଖ୍ୟା କମ୍ କରିବାର ସମୟ ଏବେ ଉପନୀତ ଏବଂ ଏହାର ବିକଳ୍ପ ଖୋଜିବାରେ ଯେଉଁ କେତେଜଣ ଲାଗିପଡ଼ିଛନ୍ତି ସେମାନଙ୍କ ମଧ୍ୟରେ ବିଶାଖ ଶଶିକୁମାର ଅନ୍ୟତମ। ସେ ପି-ବିମ୍ ଷ୍ଟାର୍ଟଅପ୍ ଗଠନ କରି ତା’ମାଧ୍ୟମରେ ଇ-ବାଇକ୍ ନିର୍ମାଣ କରୁଛନ୍ତି। ଏହି ବାଇକ୍ ଥରେ ଚାର୍ଜ ହେଲେ ୫୦ କି.ମି. ଯାଉଛି। ଏହାର ଦାମ୍ ରଖାଯାଇଛି ୩୦ ହଜାର ଟଙ୍କା। ଆଇଆଇଟି ମାଡ୍ରାସରେ ଶିକ୍ଷା ଶେଷ କରି ବିଶାଖ ଏହି ଷ୍ଟାର୍ଟଅପ୍ ଆରମ୍ଭ କରିଥିଲେ। ମୋବାଇଲ ଫୋନ୍ ଯେମିତି ସହଜରେ ଚାର୍ଜ ହୋଇପାରୁୁଛି, ଠିକ୍ ସେମିତି ଓ ସେତିକି ସମୟରେ ଏହାର ବ୍ୟାଟେରି ବି ଚାର୍ଜହେଉଛି। ଇ-ବାଇକ୍ର ବେଗ ଘଣ୍ଟାପ୍ରତି ୨୫ କି.ମି. । ଏଥିପାଇଁ ଏହାର ପଞ୍ଜୀକରଣ ଦରକାର ପଡେନି କି ଚାଳକଙ୍କ ପାଇଁ ଡ୍ରାଇଭିଂ ଲାଇସେନ୍ସ ଲୋଡାହୁଏନି। ଏଥିରେ ସେ ୯୦% ଦେଶୀ ଯନ୍ତ୍ରପାତି ଉପଯୋଗ କରିଛନ୍ତି ଓ କେବଳ ମୋଟ ବାହାରୁ ଆଣୁଛନ୍ତି। ଶତପ୍ରତିଶତ ଦେଶୀ ଯନ୍ତ୍ରାଂଶରେ ଏହାକୁ ନିର୍ମାଣ କରିବାରେ ଯୋଜନା ବି ଚୂଡାନ୍ତ କରିଛନ୍ତି। ଚଳିତ ଆର୍ଥିକ ବର୍ଷରେ ବିଶାଖ ୧୦,୦୦୦ ଇ-ବାଇକ ବିକ୍ରି କରିବାର ଯୋଜନା ରଖିଛନ୍ତି।