ଇଚ୍ଛାଶକ୍ତି ଆଗରେ ସବୁକିଛି ହାର୍ମାନେ ଯାହା ପ୍ରମାଣ କରିଛନ୍ତି ଏସିଡ୍ ଆକ୍ରମଣର ଶିକାର ହୋଇଥିବା ଉତ୍ତରାଖଣ୍ଡର କବିତା ବିଷ୍ଟ୍। ୧୯ ବର୍ଷ ବୟସରେ ଏସିଡ୍ ଆକ୍ରମଣରେ ସେ ତାଙ୍କ ଦୃଷ୍ଟିଶକ୍ତି ହରାଇଥିତ୍ଲେ। ପରେ ସେ ସୁସ୍ଥ ହୋଇ ୮୨ ଜଣ ଦିବ୍ୟାଙ୍ଗ ଶିଶୁଙ୍କ ସାହାରା ପାଲଟିଯାଇଛନ୍ତି। ଜଣେ ପରାମର୍ଶଦାତା ତଥା ଶିକ୍ଷକ ଭାବେ ମହିଳା ସଶକ୍ତୀକରଣ ପାଇଁ ଉତ୍ତରାଖଣ୍ଡ ସରକାରଙ୍କ ଆମ୍ବାସାଡର ଭାବେ କାର୍ଯ୍ୟ କରୁଥିତ୍ତ୍ବା ୩୧ ବର୍ଷୀୟା କବିତା ବହୁ ଘାତ ପ୍ରତିଘାତ ମଧ୍ୟରେ ଆଗକୁ ବଢ଼ିଛନ୍ତି। ଘରର ଆର୍ଥିକ ଅବସ୍ଥା ଖରାପ ହେବା ପରେ ସେ ୨୦୦୭ରେ ରୋଜଗାର ଲାଗି ଉତ୍ତରପ୍ରଦେଶର ନୋଇଡାକୁ ଚାଲିଯାଇଥିଲେ। ସେଠାରେ ୨୦୦୮ରେ ସେ ଏସିଡ ଆକ୍ରମଣରେ ତାଙ୍କ ଦୃଷ୍ଟି ଶକ୍ତି ହରାଇଥିଲେ। ସୁସ୍ଥ ହୋଇ କବିତା ଡେରାଡୁନସ୍ଥିତ ନ୍ୟାଶନାଲ ଇନଷ୍ଟିଚ୍ୟୁଟ୍ ଅଫ୍ ଭିଜୁଆଲ ହ୍ୟାଣ୍ଡିକ୍ୟାପ୍ଡରେ ପ୍ରଶିକ୍ଷଣ ନେବା ପରେ୨୦୧୭ରେ ନୈନିତାଲର ରାମନଗରରେ ସନ୍ଦୀପ ରାଓ୍ବତଙ୍କ ଦ୍ୱାରା ସ୍ଥାପିତ ୟୁ.ଏସ୍.ଆର.ଇନ୍ଦୁ ସମିତିି ସ୍କୁଲରେ ପିଲାମାନଙ୍କୁ ପଢ଼ାଇବା ଆରମ୍ଭ କରିଥିତ୍ଲେ। ଏବେ ତାଙ୍କ ଉଦ୍ୟମରେ ୮୨ ଜଣ ପିଲା ଏହି ସ୍କୁଲ୍ରେ ପଢୁଛନ୍ତି। କେବଳ ଏହି କାର୍ଯ୍ୟ ନୁହେଁ କବିତା ମଧ୍ୟ ମହିଳାମାନଙ୍କୁ ହସ୍ତକଳା ପ୍ରଶିକ୍ଷଣ ଦେଉଛନ୍ତି। ଏଥିପାଇଁ ଉତ୍ତରାଖଣ୍ଡ ସରକାର ତାଙ୍କୁ ସମ୍ମାନିତ କରିଛନ୍ତି। ଗୁଜରାଟରେ ଆଯୋଜିତ ବେଟି ବଚାଓ, ବେଟି ପଢ଼ାଓ କାର୍ଯ୍ୟକ୍ରମରେ ତାଙ୍କୁ ମଧ୍ୟ ସମ୍ମାନିତ କରାଯାଇଛି।