ପ୍ରାଧ୍ୟାପକ ଗଣେଶନ୍ ଡି. ରହୁଛନ୍ତି ଚେନ୍ନାଇରେ। ସେ ୨୦୧୭ରେ କୋଡୁଗାଲ ଟ୍ରଷ୍ଟ ପ୍ରତିଷ୍ଠା କରି ତା’ ମାଧ୍ୟମରେ ସ୍ପାରୋ ବା ଘରଚଟିଆଙ୍କ ସୁରକ୍ଷା ଲାଗି କାର୍ଯ୍ୟ କରୁଛନ୍ତି। ଟ୍ରଷ୍ଟ ଦ୍ୱାରା ତିଆରି କାଠବାକ୍ସ ଚେନ୍ନାଇରେ ଲୋକମାନଙ୍କୁ ବାଣ୍ଟି ଘରଚଟିଆଙ୍କ ବଂଶରକ୍ଷା ଲାଗି ଉତ୍ସାହିତ କରିଆସୁଛନ୍ତି। ଗଣେଶନ୍ ଚେନ୍ନାଇର ଏସ୍ଆରଏମ୍ ଇନ୍ଷ୍ଟିଚ୍ୟୁଟ ଅଫ୍ ଟେକ୍ନୋଲୋଜିରେ ପ୍ରଧ୍ୟାପକ ଭାବେ କାର୍ଯ୍ୟ କରୁଛନ୍ତି। ସ୍ପାରୋଙ୍କ ପାଇଁ କାର୍ଯ୍ୟ କରୁଥିବାରୁ ଲୋକେ ତାଙ୍କୁ ‘ସ୍ପାରୋ ପ୍ରଫେସର’ ବୋଲି ସମ୍ବୋଧନ କରନ୍ତି। ସେ ୪ର୍ଥରୁ ୮ମ ଶ୍ରେଣୀର ଛାତ୍ରମାନଙ୍କୁ ନେଇ ସ୍ପାରୋ ଓ୍ବାରିୟର ବା ସ୍ପାରୋ ଯୋଦ୍ଧା ଟିମ୍ ଗଠନ କରିଛନ୍ତି। ସେମାନଙ୍କୁ ନେଇ ସ୍କୁଲ ଓ ଜନବସତି ଅଞ୍ଚଳରେ ଦୁଇଟି ଘରଚଟିଆ ଅଭୟାରଣ୍ୟ ସୃଷ୍ଟି କରିପାରିଛନ୍ତି। ପିଲାମାନଙ୍କୁ କାଠବାକ୍ସ ତିିଆରି କରିବା ଲାଗି ପ୍ରଶିକ୍ଷଣ ଦେବା ପରେ ସେମାନେ ଏହା ନିର୍ମାଣ କରୁଛନ୍ତି। ଗଣେଶନ ଏବେ ସ୍କୁଲ ଓ ଘରୋଇ ଅଞ୍ଚଳରେ ବସାଇଥିବା ୧୨୫୦ଟି ବାକ୍ସ ମଧ୍ୟରୁ ୯୫୦ଟିରେ ଘରଚଟିଆ ରହିଲେଣି। ୨୦୨୨ ସୁଦ୍ଧା ଚେନ୍ନାଇର ବିଭିନ୍ନ ସ୍ଥାନରେ ୧୦,୦୦୦ ବାଠବାକ୍ସ ବାଣ୍ଟିବାର ଯୋଜନା ରଖିଛନ୍ତି ଗଣେଶନ୍।